Matayo 5:10 - Samburu

¹⁰ Emayiana lolo ooitami sina tankaraki naata sotua oipida o Nkai, amu nenche nkitoria e chumata.

Matayo 5:10 Referans Kwoze

Yakobo 1:12

Kemayiana ilo tung'ani ong'iri taatua sinaitin ooitami, amu kore payie eidip aimai sina, netum nkopiyia e nkisulata aa taa nkichon ee ntarasi, naitayia Nkai lekutuk ajo keicho lolo oaacham ninye.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

Matayo 5:3

<

Luka 6:22

Imayianana teneibai ntae ltung'ana, negelaa ntae, nedek ntae, neitarruorri nkarn inchi tankaraki Nkerai e ltung'ani.

2 Timoti 2:12

Tanaa iking'iri, naa ikintoricho kenya tenebo o ninye. Naa tanaa ikimiki ninye, nemiki sii kenya ninye iyioo.

Lpilipi 1:28

Niminchocho eituria ntae lolo oaatayie ntae mbae to ntoki naje, kake entogolo amu tiniasias inia, neitodol ꞉Nkai ninche teinia ajo keidaari, nijeuu ntae.

Luka 21:12

<

Yoana 15:20

Entaparru laduo rerei latiaka ntae nchere, Kore tanaa kaaitamaki nanu sina, keitami sii ntae. Naa tanaa keibung'a rerei lai, keibung sii rerei linchi.

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

Matayo 25:34

<

Luka 6:20

Neapu Yeso nkonyek, neing'or looiteng'eni lenyena nejoki, <

Matayo 10:23

Naa teneitam ntae sina te le kerenket tankaraki nkurukoto inchi, eisigaki likae. Amu, nadede ajoki ntae, mindipdip aaimai lkerenketi pooki le Isirael ewuon eitu elotu Nkerai e Ltung'ani.

1 Yoana 3:12

nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat.

Asat 8:1

Netachamayie sii Saulo metari Sitepano. Kore ake inia parri, neng'asuni aaitam sina kitok lolo tung'ana le nkanisa e Yerusalem. Nesachari ninche pooki aaisigaki Yudea o Samaria, mara ake lkipaareta.

Asat 5:40

Neipotu lolo Kipaareta meotu. Neidong ninche, nejoki payie mejo ntoki te nkitoo e nkarna e Yeso, nepalaa.

Matayo 19:14

Kake nejo Yeso, <>

Marko 10:14

Kore pee edol Yeso inia, negoro. Nejoki ninche, <

Luka 22:29

Naa kaicho sii nanu ntae nkitoria, ana naaichoo ꞉Papa lai,

Yakobo 5:11

Kore naa, ikidol aajo kemayiana lolo ooting'iria sina. Itining'o apa ng'iriata e Ayubu o neitaasa ꞉Laitoriani ninye te siedi, nchere keata Laitoriani lng'er o lng'ur.