Matayo 21:17 - Samburu

¹⁷ Kore payie eing'uaa ninche, neipung te lkerenket alo Betania, nejeyio te inie.

Matayo 21:17 Referans Kwoze

Yoana 11:18

Kore apa Betania naa matejo kilomitani okuni ake etaaniki Yerusalem.

Yoana 11:1

Ketii apa ltung'ani oji nkarna enye Lasaro otomoyia, oamanya lkerenket obo kini oji Betania, inie nemanya sii Maria o nkanache enye Marta.

Luka 24:50

Nerikoo ꞉Yeso ninche aitung'aa ilo kerenket ana metabaki ng'oji neji Betania. Neapaa nkaik enyena, nemayian ninche.

Marko 11:11

Nejing Yeso Yerusalem nelo atua nkaji e Nkai. Kore pee eidip aaing'ura ntoki pooki natii, neipung alo Betania tenebo o lolo tomon oare tankaraki kemuto.

Marko 11:19

Kore pee eaku teipa, neipung ninche aaing'uaa ilo kerenket.

Matayo 16:4

Ltung'ana le mpukunoto torno o le mpukunoto nemeata nkurukoto! Iyiaya nkitodolunoto e nking'asia, kake meatae naichori ntae, mara ake nkitodolunoto e Yona.>> Nelamari Yeso aing'uaa ninche.

Luka 19:29

Naa kore payie enyikaki Betepage o Betania nkalo lowua oji Lowua loo Lng'erriyio, neipaaya looiteng'eni lenyena oare,

Luka 10:38

Kore epuoito ninche, nejing Yeso nkang nabo, neitoomon ꞉nkitok naji Marta ta nkaji enye.

Marko 11:1

Kore pee enyikaki ꞉ninche Yerusalem, netabakita Betepage o Betania naatii Lowua loo Lng'erriyio, neirruaaya ꞉Yeso looiteng'eni lenyena oare,

Marko 3:7

Neing'uaa Yeso inie, nelo o looiteng'eni lenyena nchepata e mpaso, neirukurukore lturrur kitok ninche oing'uaa Galilaya.

Matayo 26:6

Kore etii Yeso Betania, nkaji e Simon oata apa nkeeya ee lbolot,

Marko 14:3

Kore etii Yeso Betania, nkaji e Simon oata nkeeya ee lbolot, anyeita ndaa, nelotu ntomononi inie enapita lkidong. Kore ilo kidong naa soit oji alabasta eitibirunyieki, netii lata narok narropili nagol nkinyiang'a naji Nardo. Kore payie eiper ilo kidong abol, nebukoki inia lata nkue e Yeso.