Matayo 18:7 - Samburu

⁷ Oi siake nkop tankaraki mbaa naitopong'oo ltung'ana metaasa ng'ok! Meata ajo mepuonu kuna baa, kake oi siake ilo tung'ani oipung'unyie ꞉mbae naitopong'oricho!

Matayo 18:7 Referans Kwoze

Luka 17:1

Neitoki Yeso ajoki looiteng'eni lenyena, <

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

Matayo 26:24

Kelo Nkerai e Ltung'ani ana inia naigeroki naipirita ninye, kake oi siake ꞉ilo oichooyo Nkerai e Ltung'ani! Eikach te ilo tung'ani teneitu aikata eini.>>

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.

Tito 2:8

neichiaari nkuroroto ino nemeata ntoki nakurrieki, metaa kore lolo likimbooyo, nenya anyit meata mbae torno najo naipirita iyioo.

Tito 2:5

Ntaarriyiana ninche metaa naatem mbaa, neaku ntomonok sinyat, naas siaatin taa nkang'ite enche, neichiaari, neitodoyio ate taa lpayiani lenche, payie medeki rerei le Nkai.

1 Timoti 6:1

Kore lolo pooki oaara rridiki, enchoo eya lkutuaa lenche aajo keichiaakino neichori nkajit to nkoitiei pooki, payie medeki nkarna e Nkai nememenuni nkiteng'ena ang.

Asat 1:16

<

Yoana 17:12

Kore apa ewuon atii nanu tenebo o ninche natirripo ninche taatua nkarna ino, inia arna nikinchoo. Katirripo ninche, nemeatae hoo lobo oimina mara ake ilo tung'ani ogelakino nkiminata, payie ebaya lkigerot.

Marko 13:7

Naa kore tinining'ning larrabali o lomon laa larrabali, emiguretu. Amu meatae ajo mepuku kuna kake ewuon ake eng'or nkiting'oto.

Matayo 16:23

Nemerregela Yeso nejoki Petero, <>