Matayo 13:25 - Samburu

²⁵ kake kore eilura ltung'ana, nelotu lmang'antita lenye, neun ndeti taatua nkano, neing'uaa.

Gade chapit la Kopi

« Previous

tounen moute ⬆

1 Petero 5:8

Entaa ltung'ana oaaparricho aitibiraki, nirritata ate amu kore lmang'antita linchi Chitani naa kemanaa ana lng'atuny oipurruto, eyiaya ltung'ani oijioo.

Gade chapit la

Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.

Gade chapit la

Matayo 13:39

Kore lmang'antita otuuno ndeti naa Chitani, kore ndung'ore naa nkiting'oto e ana ng'amata, kore ladung'ok la champa naa lmalaikani.

Gade chapit la

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Gade chapit la

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

Gade chapit la

Matayo 25:5

Kore eimalmalu loyemicho, neyiasai pooki, neilura.

Gade chapit la

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Gade chapit la

Mbolunoto 2:20

Kake kore eyia, kamen taa ntae ana: Ipalitata ntomononi naji Yesebel najo koon nkoiboni e Nkai. Naa kore te nkiteng'ena enye neitopong'oo laisiaayiak o nkaisiaayiak ainien, metaasa loloito nenya ndaa naitakaki nkaitok e sapare.

Gade chapit la

Mbolunoto 13:14

Kore taa nana baa naaing'asicho naaichooki metaasa tekue inia ng'ues torno ekue, nesap ltung'ana pooki oaamanya nkop. Neitirrichaki meeitibira nkitanyanyukoto e inia ng'ues ekue, inia nataraki apa metua ta lalem neinyiaaka apiu.

Gade chapit la