Matayo 10:1 - Samburu

¹ Neipot ꞉Yeso looiteng'eni lenyena pukura tomon o oare meotu netii, neicho nkitoria meitoria lairiruani, payie earaa ninche, neichiunyie pooki keeya o moyian.

Matayo 10:1 Referans Kwoze

Luka 10:19

Naa enteyielo taa aajo, kaichoo ntae nkitoria nindachiechie lasuria o nkulupani o ngolon pooki e lmang'antita, nemeatae hoo ntoki naar ntae.

Luka 24:49

Kore naa, karewaki nanu ntae lekutuk oitayia ꞉Papa lai, kake entewueni te lkerenket ana meichori ntae nkidimata naaing'uaa keper.>>

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Yoana 3:27

Newoliki ꞉Yoana ajoki, <

Luka 6:13

Kore payie eikienyu, neipotu looiteng'eni lenyena, negelu tomon oare taatua ninche neicho nkarna naji Lkipaareta:

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Asat 19:15

Kake kore payie ejo empung'unyie lairiruani, newoliki ꞉lairirua ninche ajoki, <>

Yoana 17:2

ana ninchoo ninye meitoria ltung'ana pooki, payie etum aichoo lolo pooki linchoo nkichon nemeiting.

Yoana 6:70

Nejoki ꞉Yeso, <>

Yoana 3:35

Naa kore Papa, kecham inia Nkerai enye. Netipika ntoki pooki taabori nkitoria enye.

Mbolunoto 12:1

Nelioi mbae kitok naing'asicho te nkeper e nkai. Nadol ntomononi naimulmulakino ndama ana nanka, neidachita lapa tee nkejek enyena, neunokino lakir 12 nkopiya enye e nkitoo.

Matayo 26:47

Kore ewuon eirorita, nchoo lobo loo loochi tomon o oare, oji Yudas, nelotu tenebo o lturrur sapuk. Kore ilo turrur neata lalema o runkun, naa keing'uaa ninche netii lkutuaa laa laitainok la lasar o lkutuaa loo ltung'ana.

Matayo 26:20

Naaku kore payie eaku kuarie newuon te misa tenebo o looiteng'eni lenyena tomon o oare.

Matayo 19:28

Nejoki ꞉Yeso ninche, <

Matayo 6:13

Naa mincho iyioo kijing atua ntemat, kake talaku iyioo te Ilo torno.>

Matayo 4:23

Nemanaa Yeso taatua Galilaya pooki, eiteng'enicho taatua Sinagogini, nelikoo Lomon Supati le nkitoria, neichiunyie nkeeyaitin pooki o moyianitin taatua ltung'ana.

Matayo 9:35

Neimaa Yeso lkerenketi o nkang'ite pooki, eiteng'enicho tee Sinagogini, nelikoo Lomon Supati le nkitoria e chumata, neichiunyie pooki keeya o moyian.

Matayo 9:38

Naaku entoomon Lopeny ndung'ore metereu laasak le siaai atua ndung'ore enye.>>