Marko 9:2 - Samburu

² Kore pee eich mperot ile, neya ꞉Yeso Petero o Yakobo o Yoana, nerik nkeper e ldonyuo oodo aa ninche aapeny. Neibelekenya mpukunoto enye tekue ninche.

Marko 9:2 Referans Kwoze

Marko 5:37

Eitu eicho ꞉Yeso lkulie tung'ana meirukurukore ninye, mara ake Petero o Yakobo o Yoana lalache le Yakobo.

Marko 14:33

Nerik ꞉Yeso Yoana o Petero o Yakobo, neng'asu ninye aisinanio oleng nenyamalu.

2 Lkorinto 13:1

Kore taata naa nkata e uni ana nalotuta aisabaki ntae. Kejo Lkigerot Sinyat, <>

Mbolunoto 20:11

Naitoki adol lorika sapuk oibor le nkitoo o ilo ewuenita. Kore chumata o nkop neisig aapuo aaing'uaa ilo owuenita to lorika le nkitoo neitu edoli aitoki aikata.

Marko 16:12

Kore eicha inia, neitoki Yeso aipung'oki lkulie lenche oare, ta nkae pukunoto epuoito lchampai.

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Luka 6:12

Kore apa nenia perot, neipung Yeso alo ldonyuo aomon. Newuon kuarie pooki eomonito Nkai.

Matayo 14:13

Kore payie ening Yeso nenia baa, nelo aing'uaa inie te meli o loochi ooiteng'eni lenyena, aawueni to ng'oji neliyio aa ninche aapeny. Kake kore tankaraki natining'o ꞉lturrurri inie nechomo, nechep mpaso aairukurukore ninye tee nkejek eing'uaa lkerenketi lenche.