Marko 6:46 - Samburu

⁴⁶ Kore pee eidip aichoo ninche lesere, neing'uaa inie alo lowua aomon.

Marko 6:46 Referans Kwoze

Marko 1:35

Kore tasiran ewuon emismis pii, neinyuototo Yeso aipung te inia aji, nelo ng'oji neliyio, neomon.

Matayo 6:6

Kore tiniomon, tijing'a atua lgilata le nkaji ino, ninken, niomon Papa lino otii ng'oji neing'opa, amu kore Papa lino odol nenia naaing'opa, naa ikilaaki.

Luka 6:12

Kore apa nenia perot, neipung Yeso alo ldonyuo aomon. Newuon kuarie pooki eomonito Nkai.

Matayo 14:23

Kore payie eidip atasachai ninche, nelo adir lowua aomon apeny, kake kore payie eaku teipa, ewuon ake etii ninye inie apeny.

1 Petero 2:21

Keipoto ntae Nkai payie ing'iriri kulo sinaitin, amu keimayie sii Kristo sina anang ntae, neitodol ntae ninkoko tininjipaa rriata lenye.

Marko 6:47

Kore pee eaku teipa netabaka meli nkiji e mpaso, netii ake Yeso nkop apeny,

Asat 18:18

Neitoki Paulo abik mperot kumo te Korinto tenebo o lkulie ooiruko Yeso. Kore payie eicho ninche lesere, nelo lkerenket oataaniki inie le Kenkerea nedung lpapit aitabaya mbae natudung'o apa ajo keas. Nedir meli alo nkop e Siria, nerubare Pirisila o Akuila.

Asat 18:21

Neicho ninche lesere nejoki, <> Nedir meli te Epeso nelo Kaisaria.

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.