Marko 4:1 - Samburu

¹ Neng'asu aitoki Yeso aiteng'enicho te nchepata e mpaso. Nelotu lturrur kitok oleng aiturrurrokino ninye ana metidira ninye meli natii atua mpaso, newuon. Netii ilo turrur pooki nchepata e inie.

Marko 4:1 Referans Kwoze

Marko 2:13

Neipung aitoki Yeso achep nchepata e mpaso. Nelotu lturrur pooki netii ninye, neng'asu aiteng'en ninche.

Marko 3:7

Neing'uaa Yeso inie, nelo o looiteng'eni lenyena nchepata e mpaso, neirukurukore lturrur kitok ninche oing'uaa Galilaya.

Marko 3:9

Naaku kore tankaraki ilo turrur kitok, nejoki ꞉Yeso looiteng'eni lenyena meitibira meli pee meiding'akini ninye.

Marko 4:36

Neing'uaa ꞉ninche ilo turrur, nedir naduo meli natii Yeso, nepuo o ninye, neatae nkulie melin natii tenebo o ninye.

Marko 5:2

Kore ake nochi nadounyie Yeso te meli, nelotu ꞉ltung'ani taatua nkuraren oata lairirua anang'are.

Marko 5:21

Kore pee eidip Yeso aitoki atalang'aki laduo kokun le mpaso te meli, neiturrurrokino ninye ꞉lturrur kitok te nchepata e mpaso.