6 Kake nejoki ꞉Yeso, <
Maing'urai sii nikinko payie kerretena likae o likae aaitoduaaya nchaman nikias supati.
Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.
Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.
Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat.
Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.
Kore apa te Yopa naa keatae nabo e naaiteng'eni naji Tabita, naa kore ana arna to nkutuk ee Lgirriki naa keji Dorkas. Ketaasa apa ninye asat kumo supati, neret loomena nkata pooki.
Neyielou ꞉Yeso nejoito, nejoki, <
Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.
Kore taa mbaa pooki, ntodolu koon aaku nkitanyanyukoto naduaari taa asat supati. Tininteng'enicho, nteng'enicho ta nkanyit metii ndala,
paa kore ltung'ani le Nkai, neaku loterretene oidimieki metaasa ntoki pooki supat.
Ntanapa ninche metaasa supati, neparakuonu taa asat supati, neaku looleng neng'arichere lkulie.
Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.
naa meitogolo ltauja linchi, neitacheyie ntae taatua asat o rerei pooki supat.
nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.
Amu mara ilo orrep koon etachamayieki, kake ilo otum rrepet ta Laitoriani.
Naa keidim Nkai aichoo ntae munyani pooki nalang inia niyieuu, paa kore taa mbaa pooki nkata pooki, naaku iatata inia naitiemu ntae katukul, niatata nalekunye nindimdim aataasie siaai pooki supat.
Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.
Anata duaake etimiraki aaitam ropiyiani naarisere laata e laisiaayiani e lari obo, neichori laisinak!>> Neilemlemakini inia kitok.
Amu kore laisinak naa icheche ake aata tenebo o ntae, naa kore tiniyieuu, indimdim aaitaasa ninche supati, kake mikicheche aata nanu nkata pooki.
