Luka 24:30 - Samburu

³⁰ Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.

Luka 24:30 Referans Kwoze

Matayo 14:19

Neitanap ltung'ana metowuana too nkujit. Neitoki arrapu nenia mukateni imiet o sinkirri pukura oare, neimariri chumata, nemayian. Naa kore payie egil nenia mukateni, neicho looiteng'eni lenyena, neitabaki ꞉ninche ltung'ana.

Luka 24:35

Kore laaduo ooiteng'eni oare, neliki ninche lomon ootupukutua to nkoitiei o neikuna payie eyielou ninye inia kata payie egil mukate.

Luka 9:16

Nerrapu Yeso nenia mukateni imiet o lolo sinkirri oare, neing'or chumata, nemayian, negil, neicho looiteng'eni lenyena meichoo ltung'ana.

Matayo 15:36

Nerrapu nenia mukateni sapa o sinkirri, kore payie eidip aichoo Nkai nache, negil, neicho looiteng'eni lenyena. Neitoki ꞉ninche aaicho ltung'ana.

Asat 27:35

Kore payie eidip atejo nejia, nerrapu mukate, nerrinyoki Nkai nache tekue ninche pooki negil, neng'asu anya.

Yoana 6:11

Nerrapu ꞉Yeso naaduo mukateni, neicho Nkai nache, neoroki ltung'ana pooki oowueni teinie. Neitoki aiko nejia sinkirri, neicho ꞉ltung'ani pooki ana nayieu.

Luka 22:19

Nerrapu mukate nerrinyoki Nkai nache, negil neicho ninche ejo, <>

Marko 14:22

Kore enyeita ninche ndaa, nerrapu Yeso mukate, nemayian, negil, neicho ninche nejoki, <>

Marko 8:6

Neitanap ꞉Yeso ilo turrur metowuana to nkop. Nerrapu nenia mukateni sapa. Kore payie eidip aichoo Nkai nache, negil neicho looiteng'eni lenyena metooriki ltung'ana, neas ninche nejia.

Marko 6:41

Nerrapu ninye nenia mukateni imiet o lolo sinkirri oare neing'or chumata, neicho Nkai nache. Kore nenia mukateni, neor, neicho looiteng'eni lenyena meichoo ltung'ana. Neitoki ꞉Yeso aoriki ltung'ana pooki lolo sinkirri oare.

Matayo 26:26

Kore enyeita ninche ndaa, nerrapu Yeso mukate, nemayian, negil, neicho looiteng'eni lenyena nejoki, <>

Luka 24:29

Neitirrichaki aaibok ejoki, <> Nejing nkaji aboitiere ninche.

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Asat 2:46

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,