Luka 22:39 - Samburu

³⁹ Neipung Yeso alo Lowua loo Lng'erriyio ana neiko chiaake, neirukurukore ꞉looiteng'eni lenyena.

Luka 22:39 Referans Kwoze

Luka 21:37

Kore parkiji, neiteng'enicho Yeso ta nkaji e Nkai, nelo kuarie awuon to lowua oji Lowua loo Lng'erriyio.

Matayo 21:1

Kore payie enyikaki ꞉ninche Yerusalem, netabakita Betepage, natii Lowua loo Lng'erriyio, neipaaya Yeso looiteng'eni oare

Marko 14:26

Kore pee eidip aatarany sinkoliotin, neinyuototo aapuo Lowua loo Lng'erriyio.

Marko 13:3

Kore ewuon Yeso to Lowua loo Lng'erriyio aitalang'akinere nkaji e Nkai, neiparichiere ꞉Petero o Yakobo o Yoana o Andirea ninye, aa ninche aapeny aajoki,

Marko 11:19

Kore pee eaku teipa, neipung ninche aaing'uaa ilo kerenket.

Marko 11:11

Nejing Yeso Yerusalem nelo atua nkaji e Nkai. Kore pee eidip aaing'ura ntoki pooki natii, neipung alo Betania tenebo o lolo tomon oare tankaraki kemuto.

Matayo 26:30

Kore payie eidip aatarany sinkoliotin, neinyuototo aapuo Lowua loo Lng'erriyio.