Luka 17:29 - Samburu

²⁹ Kake kore mparri naipung Lot aing'uaa Sodom, nebukunyie nkima ee soito ooilu te chumata, nemut ltung'ana pooki.

Luka 17:29 Referans Kwoze

Mbolunoto 11:8

Kore seseni lenche neperioo te lkereri sapuk le ilo kerenket kitok, laa ninye apa etecheyieki Laitoriani lenche. Kore ilo kerenket, naa keitorno ana Sodom tanaa Misiri.

Yuda 1:7

Kore sii apa Sodom o Gomora o lkerenketi oonyikita, naa nejia etaasa ninche tana laaduo malaikani. Ketaasa ninche loloito, neitoki aairukurukore ng'uarrat aas ntabo to mboita e sesen. Neaku apa ninche nkitanyanyukoto amu ketudung'okaki nkiguana e nkima ee ntarasi.

2 Petero 2:6

Nedung'oki sii lkerenket le Sodom o Gomora nkiguana torno neidakie metaa nkuron, neitaa nkitodolunoto e ntoki naanyita ltung'ana lemeurie ninye.

Luka 17:28

Nejia sii apa etiu too mperot e Lot, kenyaita apake ltung'ana ndaa nematicho, neinyiang'icho, nemiricho, neunicho, necheticho.

Luka 17:30

Naa nejia etiu kenya ta mparri naibalunyieki Nkerai e ltung'ani.

Mbolunoto 14:10

meata ajo megorokino ꞉Nkai neiteme oleng, netuwuanai ltung'ani oatamata naichuo nadua nemeituchula natubukoka ꞉Nkai lkikompe. Kore lolo tung'ana, neitemei tekue lmalaikani sinyat o Lkuo leker, te nkima o ntoki naji salpa.

Mbolunoto 19:20

Kake neibung'i inia ng'ues torno tenebo o loiboni le sapare oataasa mbaa kutuaa naaing'asicho tekue inia ng'ues. Kore nenia baa e nking'asia, netasapie ltung'ana pooki ootipikaki lminchire le inia ng'ues, lolo oaatasayia nkitanyanyukoto enye. Nenang'akini eichu inia ng'ues torno o loiboni le sapare mpaso e nkima nailu to ntoki naji salpa.