Luka 13:28 - Samburu

²⁸ Kore kenya tinidoldol Abraam o Isaka o Yakobo o loibonok pooki te nkitoria e Nkai, etanang'akaki ntae aulo, naa inchirchir kenya, niwonywony lala te mion.

Luka 13:28 Referans Kwoze

Matayo 25:30

Naa kore ilo aisiaayiani lemeata dikir, empung'ie entanang'aki atua naimin e aulo, ng'oji neichirieki, neonyieki lala te mion.>

Matayo 22:13

<

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

2 Ltesalonike 1:5

Kore kuna pooki, naa keitodolu ndung'oto nasipa e nkiguana e Nkai, payie etumi aitaa ntae looichiaakino nkitoria e Nkai, inia naichoo metaa keitamitae ntae sina.

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

Luka 16:23

Kore etii nemeneng'a eata mion e lkiye, neapaa nkonyek enyena, nedol Abraam elakua ewuon Lasaro to lgoo lenye.

Luka 14:15

Kore payie ening lobo loo lolo oowueni tenebo o ninye inia nejoki, <>

Luka 10:15

Amaa iyie Kapernaum, mara mikiliepieki aaitabaki chumata? Ikintodouni aaitodoki nemeneng'a.

Matayo 24:51

naa kedung ninye katare, neituchulaki lolo ooitaakino, naa te inie eaku nkichirata o onyata ee lala.

Matayo 13:50

nenang'aki ninche atua lmoti le nkima, inie neichirie ltung'ana, neonyie lala.

Matayo 13:42

nenang'aki atua lmoti le nkima, inie neichirie ltung'ana, neonyie lala.