Luka 12:31 - Samburu

³¹ Kake entang'as naa enteyiai nkitoria e Nkai, naa keitokini aaponiki ntae nenia pooki.

Luka 12:31 Referans Kwoze

Matayo 6:33

Naa entang'as enteyiai nkitoria enye o sotua oipida tenebo o Nkai, naa keponikini ntae nenia pooki.

Lburania 13:5

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <>

1 Timoti 4:8

Amu kore tenelo ltung'ani alak nkejek naa keata inia nkini tipat te sesen lenye, kake kore uriata e Nkai naa keata tipat taa mbaa pooki. Amu keata lekutuk le nkichon e taata o ne kenya,

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Rroman 8:31

Kaa hae, nyo naa taata kijo naaipirita kuna baa? Amaa tanaa keti Nkai mbata aang, ng'ae ilo oidim atarere iyioo?

Luka 10:42

kake mbae nabo ake eyieuni. Ketegelua Maria mbae supat, naa meoruni ninye.>>

Luka 12:30

Amu kore kuna tokitin pooki, naa ninche eyiaya loreren le ana nkop lemeyielo Nkai, kake keyielo Papa linchi ajo iyieuu sii ntae.