49 Naa inia payie etejo Nkai to Kursaicho enye nchere,
Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,
Amu te ninye eisudoyieki murdaicho pooki e kursaicho o ne ng'eno.
Naa ninye oitaa lbata lkipaareta, neitaa lkulie loibonok, neitaa lkulie lalikorok loo Lomon Supati, neitaa lkulie lchekuti le nkanisa, neitaa lkulie laiteng'enak,
Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.
Naa kore abaki mparri nari Sitepano olikorita apa sipata ino, kaitacho nanu teinie atachamayie metari ninye metua, nairrita nankan e lolo oorita ninye.>
Nejing'aa ꞉Saulo nkajijik enyok aaraa ltung'ana le Nkai, neibung lewa o ntomonok, nepik jila.
Nebuak lolo tung'ana to ltoilo sapuk, neiken nkiyiaa enche, nekuetiki ninye mij.
Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>
Kemirari ntae aaipung'ie tee Sinagogini, naa kelotu nkata naa kore lolo oar ntae entuata, teneas nejia nejo Nkai eisiaita.
Naa kelikori ta nkarna enye nkibelekenyata nayau mpalikinoto ee ng'ok too lochon pooki, ang'asu te Yerusalem.
Kore lolo leitu epuo, neibung lolo aisiaayiak lenyena, neitaas ninche mbaa torrok, near metuata.
Naaku imbalunyie ntae aajo, ichamaa siaaitin loo lmakui linchi, amu ketara ninche metuata, nichetakiki ntae nkuraren.
Kore tee nenia perot, nepuonu loibonok le Nkai ooing'uaa Yerusalem Antiok.
Amu keibukoitie ꞉ltung'ana torrok lodo loo sinyat o loo loibonok le Nkai, neiteme ꞉Nkai ninche aicho lodo metamata amu inia nairirikino.>>
Kake ting'idai iyie nachumata tankaraki ninye! Enting'idata ntae sinyat lenyena o Lkipaareta o loibonok le Nkai! Amu etudung'oka ꞉Nkai Babilon nkiguana tankaraki mbaa torrok naaitaasa ntae.>>
