Biblia Todo Logo
Bib sou entènèt

- Piblisite -




Luka 10:20 - Samburu

20 Naa eming'ida tankaraki naning ntae lairiruani, kake enting'idata tankaraki keigero nkarn inchi te chumata.>>

Gade chapit la Kopi




Luka 10:20
19 Referans Kwoze  

Kore ake ltung'ani lemeigero nkarna enye to mbuku ee lolo oaata nkichui ee ntarasi, nenang'akini lbalbal le nkima.


Nadol ltung'ana ootuata apa, lkutuaa o lkunini eitachoo tekue lorika le nkitoo. Neboli mbukui, neboli aitoki nkae buku ee lolo oaata nkichui ee ntarasi. Neiguanareki ltung'ana pooki ootuata apa te nkiririkinoto Ee mbaa pooki apa naataasa ana naigero too mbukui.


Nemejing aikata ntoki torno, tanaa ilo oas ntabo, tanaa losapicho. Kore loojing ilo kerenket, naa lolo ake oopeny ooigeroki nkarn to mbuku e Lkuo leker natii nkarn ee lolo oaata nkichui ee ntarasi.


Niotuo atua ilo turrur ong'ida loo inot le Nkai, ooichiaakino njung'ore e lkikau neigeroki nkarn enche te chumata, o netii Nkai nadung'oki pooki nkiguana, o netii ltauja loo loosipat lemeata ntioto neidipa nkuetata


Kore ilo ooisul, naa keichop nankan naaibor. Namaitai aikata nkarna enye to mbuku natii nkarn ee lolo oaata nkichui ee ntarasi. Naa kaibalie tekue Papa lai o tekue lmalaikani lenyena ajo lalai ninye.


Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.


Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.


Neipot ꞉Yeso looiteng'eni lenyena pukura tomon o oare meotu netii, neicho nkitoria meitoria lairiruani, payie earaa ninche, neichiunyie pooki keeya o moyian.


Kelo Nkerai e Ltung'ani ana inia naigeroki naipirita ninye, kake oi siake ꞉ilo oichooyo Nkerai e Ltung'ani! Eikach te ilo tung'ani teneitu aikata eini.>>


Nenang'aki nenia ropiyiani nkaji e Nkai, neipung, nelo ailili koon agor to lgiita.


Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.


Swiv nou:

Piblisite


Piblisite