Luka 10:15 - Samburu

¹⁵ Amaa iyie Kapernaum, mara mikiliepieki aaitabaki chumata? Ikintodouni aaitodoki nemeneng'a.

Luka 10:15 Referans Kwoze

Matayo 4:13

Kore payie eiwuot te lkerenket le Nasaret, nelo awuon te lkerenket le Kapernaum otii nchepata e mpaso, e nkop e Sebulun o Naputali,

2 Petero 2:4

Amu eitu epal ꞉Nkai lmalaikani payie eas ng'ok, kake ketanag'aka ninche lmoti le nkima omisimis, eena tee senke neichooyo metumo nkiguana naitaanyuaki.

Luka 13:28

Kore kenya tinidoldol Abraam o Isaka o Yakobo o loibonok pooki te nkitoria e Nkai, etanang'akaki ntae aulo, naa inchirchir kenya, niwonywony lala te mion.

Matayo 11:23

Amaa! Iyie Kapernaum, mara mikiliepieki aaitabaki chumata? Ikintodouni aaitodoki nemeneng'a, amu tanaa ketaasate apa mbaa e nking'asia naataasate te iyie te Sodom, anata duo ewuon eatae ilo kerenket.

Matayo 10:28

Emiurie lolo oaar sesen nemeidim aatar nkichui, kake enturia ilo oidim aidakie nkichui o sesen to lmoti le nkima.

Luka 16:23

Kore etii nemeneng'a eata mion e lkiye, neapaa nkonyek enyena, nedol Abraam elakua ewuon Lasaro to lgoo lenye.