Lpilipi 4:11 - Samburu

¹¹ Namajoito taa nejia tankaraki naatong'orika, amu katomoo aaitiemu inia naata.

Lpilipi 4:11 Referans Kwoze

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

2 Lkorinto 9:8

Naa keidim Nkai aichoo ntae munyani pooki nalang inia niyieuu, paa kore taa mbaa pooki nkata pooki, naaku iatata inia naitiemu ntae katukul, niatata nalekunye nindimdim aataasie siaai pooki supat.

2 Lkorinto 6:10

ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

2 Lkorinto 8:9

Amu iyielolo ntae munyani e Laitoriani lang Yeso Kristo, laa kore abaki era parakuoni netaa laisinani tankaraki ntae, paa kore aimu sina lenye neitaa ntae parakuo.

Lburania 10:34

Ing'urrie ntae lolo ooteenaki te jila, nitachamaitie te ng'ida meewae ntokitin inchi amu iyielolo aajo iatata ntokitin e tipat naabik ntarasi nianyutata naalang nenia naawaki.

2 Lkorinto 11:27

Natonyuaa te nkinyinyiret aas siaai. Kore nkatitin kumo naa katala njuo, natumo sumach o nkure, netii nkatitin nateena nkutuk, naatama nkijepe namaata nankan naaitiemu.

Luka 3:14

Neipar sii ninye ꞉sikarini aajoki, <> Nejoki, <>