Lpilipi 3:3 - Samburu

³ Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

Lpilipi 3:3 Referans Kwoze

Lkolosae 2:11

Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.

Rroman 7:6

Kake kore taata ta mbata ee nkitanapat naitaa apa iyioo rrindiki, naa ikituata. Naa kore tankaraki nikituata, naaku ketalakauaki iyioo tee nenia kitanapat payie kitum aaisiaaicho to nkoitiei ng'ejuk e Ltau Sinyati, namara ta napa oitiei musana ee nkitanapat.

Lgalatia 5:25

Tanaa ikitii atua nkichon ng'ejuk e Ltau Sinyati, mairukurukore naa Ltau Sinyati.

Rroman 8:15

Neitu itumtum Ltau le rrindikicho eji paa intokiki aawueni to ngureticho, kake itumo Ltau oicho ntae sipat niakunyienyie nkera e Nkai. Kore te ninye nikibuak aajo, <>

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.

Rroman 15:17

Naaku kailach taatua Kristo Yeso tankaraki inia kisiaayiare ai te Nkai.

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

Rroman 9:6

Kake mara eji ketaa eitu ebaya rerei le Nkai, amu mara lolo pooki oaara le ichoi e Isirael oaara ltung'ana le Isirael oodede.

2 Lkorinto 11:18

Kake kore tankaraki natii lkumo ooikar ana naaikar ltung'ana, kaikar sii nanu.

Lgalatia 6:16

Naa kore pooki oopoyie ana kitaarriyiana, ninche Isirael le Nkai, naa metamanyai ꞉seriani o lng'er.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lpilipi 3:12

Majo taa nanu kaidipa atumo inia tanaa sii kaitabayie, kake kanyokita abaya payie atum aibung'a inia metaa nanai tankaraki kaaibung'a sii apa ꞉Kristo Yeso.

Lpilipi 3:14

Naaku kanyok abaki nkiting'oto payie atum aisula nang'amaa inia kichon e chumata naaipotoka ꞉Nkai ta Laitejeunoni Yeso.