Lpilipi 3:20 - Samburu

²⁰ Kake kore iyioo naa keigero nkarn ang te chumata, nikintirrichuta aanyu Laitejeunoni lang Yeso Kristo eing'uaa chumata.

Lpilipi 3:20 Referans Kwoze

Epeso 2:19

Naaku taa kore tankaraki inia, merokure irara lomon nimirara ltung'ana leiching'a, kake irara loopeny nkop tenebo o sinyat nirara ltung'ana le Nkai.

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

Lburania 12:22

Kake iotuo ntae Ldonyuo le Sion, inie netii nkang e Nkai naji Yerusalem te chumata netii lmalaikani nkalupini o nkalupini.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

Epeso 2:6

Neitipiu iyioo ꞉Nkai too lootuata tenebo o Kristo Yeso, neitowuon iyioo o ninye te chumata, ikitii atua ninye.

2 Lkorinto 5:8

Kore taa najoito, naa ikiata nkitieunoto, nikiyieu payie kitum aataa tenebo o Laitoriani alang tinikiata kulo seseni le ana kop.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

1 Ltesalonike 1:10

niwuenini aanyu Nkerai enye naing'uaa chumata, ilo oitipiwua ꞉ninye too lootuata, Yeso olaku iyioo te inia goro nalotu e Nkai.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Lgalatia 4:26

Kake kore inia ng'oriei sainoti naji Sara naa nkitanyanyukoto e Yerusalem e keper. Ninye yieyio ang, namara nkera enyena ne rrindikicho.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

1 Lkorinto 1:7

Naaku milauu hoo nkichooroto nabo naicho ntae Ltau Sinyati ianyutata meibalunyieki Laitoriani lang Yeso Kristo tenechukunye kenya.

Asat 1:11

Nejoki, <>

Matayo 19:21

Newoliki Yeso ajoki, <>

1 Ltesalonike 4:16

Amu kore teneitaini nkitanapata to ltoilo la lmalaika kitok o to wochoto e mowuo e Nkai, nedou Laitoriani koon eing'uaa chumata. Kore lootuata taatua Kristo nepiu tekue.

Luka 14:14

naaku ikimayiani iyie tankaraki mikindim ninche aatalak. Amu ikilaakini iyie ta nkata naitipiuni loosipat.>>

Mbolunoto 1:7

Ng'ura! Kelotu tee nkidisin, naa kedol ꞉nkong'u pooki ninye, abaki lolo apa ooteremo, naa keichir ltung'ana pooki le nkop tankaraki ninye. Ee keaku nejia!

Lpilipi 1:10

Nitumutum aatisipu inia supat, niakuku ltung'ana lemeitaakino lemeata nakurrieki ana metabau inia parri e Kristo,

Luka 12:21

Naa nejia etiu ltung'ani oiteng'elaki koon ntokitin kake mara ninye parakuoni ta mbata e Nkai.>>

1 Lkorinto 15:48

Kore lolo oaara le nkop, netuwuana ninche ilo tung'ani le nkop, naa kore lolo oaara le chumata, netuwuana ninche ilo oing'uaa chumata.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.