Lpilipi 3:17 - Samburu

¹⁷ Lalachera o nkanachera ainien, Entoduaayieki nanu pooki, ning'orng'or oleng lolo ooirukurukore nikinkunari iyioo taatua nkichon.

Lpilipi 3:17 Referans Kwoze

Lpilipi 4:9

Kore ntoki pooki naiteng'ena ntae o naitarasaka nanu ntae o nitining'o nitoduaa te nanu, entaas nkata pooki, naa keaku Nkai e seriani tenebo o ntae.

1 Lkorinto 4:16

Naaku kaitanap ntae entoduaayieki,

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.

2 Ltesalonike 3:9

Mara apa tankaraki mikiata nkidimata niking'amarie reto taa ntae kitaasa inia, kake payie ikintodol ntae nkitanyanyukoto supat niduayaya.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

2 Ltesalonike 3:7

Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae.

1 Lkorinto 10:32

Entaa lemeata nakurrieki tekue Lyiaudi o Lgirriki o ltung'ana le Nkai.

2 Ltesalonike 3:14

Naa teneatae ltung'ani taa ntae lemening mbaa nikitejo tana palai, enteyielo ilo tung'ani nimibung'arere payie enya ninye anyit.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

1 Lkorinto 11:1

Entoduaayieki ana payie aduaaya nanu Kristo.