Lpilipi 2:3 - Samburu

³ Emias hoo mbae eji amu iyieuu nintodolulu aajo irara le tipat too lkulie tanaa te nkilacha, kake kore to mborron enkena aajo kera lkulie le tipat aalang ntae.

Lpilipi 2:3 Referans Kwoze

Rroman 12:10

Entachamata katukul ana lalachera o nkanachera, ninchocho metaa meata lemenyok aaitodolu nkanyit alang likae.

Lgalatia 5:26

Maichoo metaa mikirrep ate, nimiking'elakino anaa kulomo maate.

Epeso 5:21

Meatae lemeitodoyio koon te likae tankaraki nirara ltung'ana oourie Kristo.

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

1 Petero 5:5

Kore naa ntae oaara leleru, entodoi ate too lpayiani le nkanisa. Nemeata linchi, pee era lpayian anaa ltung'ani lelerie, lemerretena payie etum aisiaayia likae to mborron, amu, <>

Lpilipi 2:14

Entaas ntoki pooki miatata long'unyung'unyi o nchankar,

Lgalatia 5:15

Tinionyanya, nirara maate, entodol naa emindakie ate.

1 Timoti 6:4

naa koon ake eiliepie nemeitoki eyielo. Kecham ninye aichankarrai pecheu, nenya larrabal loo rereii. Neiu inia lom o larrabal o ldeketa o sarim torno

Luka 18:14

Kajoki ntae, kore ele aitalakunoni le kodi naa ketodoyie alo nkaji enye eikenakaki sipat tekue Nkai, kake nemeikenakini laduo Lparisayoi. Amu kore pooki ng'ae oiliepie koon neitodouni, naa kore loitodou koon neiliepieki.>>

Lkolosae 3:8

Entung'ai nenia baa pooki! Emincho eiputakino ntae ngoro, naa entung'ai sii ntolo o mang'antiticho, nimidekdek Nkai anaa ltung'ana, niminchocho meimu nkutukie inchi rerei lemeichiaakino.

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

1 Lkorinto 3:3

tankaraki ewuon ake irukurukorere mpukunoto inchi torno. Amaa tanaa ewuon iatata lom o nchankar taatua ntae, meitodolu inia ajo ewuon eitore ntae mpukunoto inchi torno?

1 Lkorinto 15:9

Amu kore nanu naa meitoki ara too lkipaareta pooki le Yeso, nemeichiaakino payie aaipoti aajo lkipaaret lenye, amu kaitama nkanisa e Nkai sina.

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.