Lpilipi 2:19 - Samburu

¹⁹ Kaisilig ajo kore taatua Laitoriani Yeso, kasioki airruaki ntae Timoti, payie etum ltau lai atogolo tananing lomon linchi.

Lpilipi 2:19 Referans Kwoze

1 Lkorinto 4:17

naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lpilipi 2:28

Naaku kayieu katukul nairiu ninye nitii, payie itumtum aitoki aating'idata tinidoldol, namaitoki taa anyamalu oleng.

Yakobo 4:15

Kore nairirikino nijoijo naa, <>

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Rroman 16:21

Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang.

Rroman 15:12

Neitoki Isaya ajo, <>

Matayo 12:21

Neisilig nkarna enye ꞉lochon.>>

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

Lpilipi 2:18

Kore sii ntae nejia enkuna enting'idata niking'arierie inia ng'ida.

1 Ltesalonike 3:5

Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.