Lpilipi 2:12 - Samburu

¹² Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lpilipi 2:12 Referans Kwoze

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

Lburania 4:11

Naaku matonyok aatum inia kiyeng'iyeng'ata, payie meatae ake lobo orria ana lolo apa oaatanya ening Nkai.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

Matayo 11:29

Entipik ate lororoi lai, nikinteng'enarere nanu, amu kabor nanu ta ltau, naanana ocheke, naa itumtum ntae nkiyeng'iyeng'ata ee nkurruki inchi.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Lburania 4:1

Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

2 Lkorinto 7:15

Naa keisapuk nchaman enye taa ntae, naleng teneparru ninkuna payie ing'amaa ta nkanyit o te ngureticho niasias ana natiaka ntae.

1 Lkorinto 2:3

Kayewuo nanu nitii achal naikirikira tankaraki ngureticho.

Epeso 6:5

Kore aitoki ntae rrindiki, entining lkutuaa linchi to nkop, ta nkanyit kitok o te uriata, aaning katukul ana duaake ninkoko tinining'ining Kristo.

Matayo 11:12

<

Lpilipi 1:5

tankaraki ninkuna tinikiretiret te siaai ee Lomon Supati ang'asu apake mparri ekue o taata.

Asat 9:6

Kake inyuo ntacho, nilo ilo kerenket liloito duo, amu ikilikini ntoki nilo aas.>>

Lpilipi 2:19

Kaisilig ajo kore taatua Laitoriani Yeso, kasioki airruaki ntae Timoti, payie etum ltau lai atogolo tananing lomon linchi.

1 Lkorinto 4:14

Kore naigerokita ntae naa mara payie aaitam ntae anyit, kake payie aitaarriyian ntae ana nkera ainien nacham.

Lpilipi 4:15

Kore ntae Lpilipi iyielolo naa netiu apa payie ang'asu alikoo Lomon Supati ta Makedonia. Kore payie aing'uaa inie, naa nkanisa inchi apeny naaibung'are too kuna baa naaipirita nkichorot o ntokitin naang'amari.

Asat 16:29

Neipotu lkilang'ilang'eta, nekuetiki atua ilo gilata le jila nerriakino tekue nkejek e Paulo o Silas eikirikira.

Lpilipi 1:6

Kayielo sii katukul ajo kore Nkai natang'asua siaai lenye supat taatua ntae naa kelo kue aas aaidip ana metabau inia parri e Laitejeunoni Yeso.