Lpilipi 1:7 - Samburu

⁷ Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lpilipi 1:7 Referans Kwoze

2 Lkorinto 7:3

Majoito taa ana adung'oki ntae nkiguana amu katejo apake tekue nchere, irara ltung'ana le tipat oleng tee iyioo metaa ikiwueni tenebo kinchu nikinang nebo.

Lpilipi 1:5

tankaraki ninkuna tinikiretiret te siaai ee Lomon Supati ang'asu apake mparri ekue o taata.

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

Lkolosae 4:18

Nanu, Paulo oigero ana kirorokino ta nkaina ai makoon. Entaparru enata ai. Metaa munyani e Nkai tenebo o ntae.

Lpilipi 4:14

Kake itaasa supat oleng kiteretutua ntae nanu tee nyamalitin ainien.

Epeso 6:20

lolo laa tee ninche ara nanu loirruaayieki le Kristo oena. Naaku Entoomonokaaki payie atum airoro te mpijan ana nayiere payie airo.

Epeso 3:1

Tankaraki inia paa kore nanu Paulo, oena tankaraki nara le Kristo Yeso o tankaraki natilika ntae, ltung'ana lamara loo Lyiaudi Lomon Supati, naomon Papa.

Asat 20:23

Kake kore too lkerenketi pooki naa kaaitodolita Ltau Sinyati aitisipu ajo kaaeni, natum sina.

1 Yoana 3:14

Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii.

2 Petero 1:13

Naa kajo keichiaakino payie ainyoyie ntae aitaparru kuna baa ewuon aichu,

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

1 Ltesalonike 5:5

Amu irara ntae pooki nkera e wong'an, nirara sii nkera e mparkiji. Mikira ne nkuarie anaa ne naimin.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

2 Lkorinto 3:2

Ikiparru ntae taatua ltauja lang oleng, naa ntae mpalai ang naning'u neisom pooki ng'ae.

1 Lkorinto 13:7

Meitisia nchaman taa mbaa pooki, neata nkurukoto o siligi taa mbaa pooki, neng'iri nkata pooki.

1 Lkorinto 9:23

Kataasa nanu kuna baa pooki tankaraki Lomon Supati le Yeso Kristo, payie ikitum aatang'ar o lkulie tung'ana mayian ee lolo Omon Supati.

Asat 21:33

Nenyikaki ꞉ilo lkitok ninye, neibung, neichooyo meteeni tee lgiitani oare le senkei. Neiparu ajo, <>

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

Lpilipi 1:12

Kayieu niyielouu lalachera lainien, nchere kore mbaa naatupukokita nanu naa keteretutua katukul aaitubulaa Lomon Supati,

Lpilipi 1:13

payie etum sikarini pooki le Kaisari o ltung'ana pooki otii ene aateyielo aajo kaena tankaraki Kristo.

Lpilipi 1:14

Netumo sii lalachera o nkanachera ang e Kristo kumo nkitieunoto nalikorie lomon le Nkai metii ng'ureticho tankaraki enata ai.

Lpilipi 2:22

Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

Lpilipi 4:3

Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.

Lpilipi 4:15

Kore ntae Lpilipi iyielolo naa netiu apa payie ang'asu alikoo Lomon Supati ta Makedonia. Kore payie aing'uaa inie, naa nkanisa inchi apeny naaibung'are too kuna baa naaipirita nkichorot o ntokitin naang'amari.

Pilemon 1:13

Kore tana kata aena tankaraki Lomon Supati, naa kayieu duo naaboitiere ꞉ninye tene payie aatum aisiaayia ta mpaach ino.