Lpilipi 1:6 - Samburu

⁶ Kayielo sii katukul ajo kore Nkai natang'asua siaai lenye supat taatua ntae naa kelo kue aas aaidip ana metabau inia parri e Laitejeunoni Yeso.

Lpilipi 1:6 Referans Kwoze

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Epeso 4:12

payie erreteni sinyat meisiayia Nkai, neitubulu sesen le Kristo,

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

2 Ltesalonike 1:11

Kore tankaraki inia, naa ikiomonokita ntae nkata pooki payie eikenaki ntae Nkai ang looichiaakino te inia naipotieki ntae. Nikiomon aitoki paa kore mbaa pooki supati niyieuu o siaai linchi e nkurukoto, neitabaya to ngolon enye,

Lburania 10:35

Naaku eminturraa nkiteunoto inchi, amu keyau laata kitok.

Yoana 6:29

Nejoki ꞉Yeso, <>

Lpilipi 1:10

Nitumutum aatisipu inia supat, niakuku ltung'ana lemeitaakino lemeata nakurrieki ana metabau inia parri e Kristo,

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

Pilemon 1:21

Amu kaata sipata ajo ining'icho, nayielo ajo ias abaki naalang nenia najo nanu.

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

2 Ltesalonike 3:4

Ikiata sipata ta Laitoriani aajo kore ntae, naa iasitata nenia nikintanapita ntae, nipuoitoto kue iasitata.

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.

2 Lkorinto 7:16

Kang'ida oleng tankaraki kaidim aisiliga ntae taa mbaa pooki.

Asat 11:18

Kore payie ening ninche ana, neing'uaa long'unyung'unyi neisis Nkai ejo, <>

Asat 16:14

Kore nabo taatua ninche naa ntomononi naji Lidia naing'uaa lkerenket le Tiatira nera nkamirani ee nankan mugiein naagol nkinyang'a. Neurie ꞉ninye Nkai, nebol Laitoriani nkue enye metining'u lomon ojoito Paulo.

Lgalatia 5:10

Kake kaata sipata taa ntae, taatua Laitoriani nchere, mitumtum nkae duata mara ake nduata ai. Kake kore ilo oitanyamal ntae naa ketum nkiguana enye, nemenya ajo ng'ae.

2 Petero 3:10

Kake kelotu mparri e Laitoriani meitekini ana lapurroni. Naa kore inia parri, keimin chumata te nkikirikiroto sapuk, neidakie lapa o ndama o lakir ꞉nkima, nepejori ntoki pooki naitibiraki to nkop.

2 Lkorinto 9:4

Mikiyieu metaa tenetii ltung'ana kenya ootuo eing'uaa Makedonia tenebo o nanu neyielou aajo eitu irretenena. Kebaa sa anyit nanya iyioo? Amaa tanaa kenya iyioo anyit nawua nejia, kewua sa nanya ntae?

2 Lkorinto 2:3

Naaku tankaraki inia payie aigeroka apa ntae ana naigero, amu mayieu apa nalotu inie nitii maaitanyamala ꞉lolo tung'ana ooichiaakino duo naaiting'id, amu kaata sipata naipirita ntae pooki ajo kore ng'ida ai naa ng'ida ee ntae pooki.

2 Lkorinto 1:15

Kasip apake nanu ana, inia payie aterretene aisabaki ntae, payie itumtum mayian aaigil nkatitin are.

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.