Lpilipi 1:15 - Samburu

¹⁵ Kesipa ajo kore lbata lenche, nelikoo Kristo tankaraki naata lom o nchankar, kake ketii lbata oolikoo taa ltauja supati.

Lpilipi 1:15 Referans Kwoze

Lpilipi 2:3

Emias hoo mbae eji amu iyieuu nintodolulu aajo irara le tipat too lkulie tanaa te nkilacha, kake kore to mborron enkena aajo kera lkulie le tipat aalang ntae.

2 Lkorinto 11:13

Kore ltung'ana laijo lolo, naa lkipaareta le sapare ninche, nera laisiaayiak oasapicho, nera ltung'ana ooibelekeny ate aaitaakino lkipaareta le Kristo.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

2 Lkorinto 1:19

Amu kore nkerai e Nkai Yeso Kristo otilika ntae ꞉Silpanas o Timoti o nanu lomon lenyena, eitu elotu aaku <> o <> Kake taatua ninye eimie Nkai ntoki pooki ajo <>,

Matayo 23:5

Kore asat enche pooki, naa keas metoduaa ꞉ltung'ana. Amu, keeniki nkomomi enche o nkaina nabo mbenia sapuki naaitodokino ꞉Lkigerot. Neitoodor aitoki oleng lpiyayo loo sarkuda ee nkilani enche, payie edoli aajo keyanyit Nkai.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

1 Lkorinto 13:3

Kaidim sii aichooi ntoki pooki naata, naichooyo abaki sesen lai metepeji, kake kore tanaa maata nchaman naaku maaret inia.

1 Lkorinto 1:23

Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi.

Asat 11:20

Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

Asat 10:36

Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki.

Asat 9:20

Kore ake inia kata, neng'asu alikoo tee Sinagogini nchere kore Yeso naa Nkerai e Nkai.

Asat 8:35

Neng'asunyie taa Pilipo ilo rerei oisomita duo, aliki ninye Lomon Supati le Yeso.

Asat 5:42

Kore mparri pooki taatua nkaji e Nkai o taa nkang'itie neitu epal ninche meiteng'enicho, nelikoo aajo kore Yeso naa ninye ilo Aitejeunoni oanyutae.

Asat 8:5

Nedoyio Pilipo alo lkerenkent oji Samaria, neliki ltung'ana le inie lomon le Kristo

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.