Lpilipi 1:10 - Samburu

¹⁰ Nitumutum aatisipu inia supat, niakuku ltung'ana lemeitaakino lemeata nakurrieki ana metabau inia parri e Kristo,

Lpilipi 1:10 Referans Kwoze

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

Rroman 2:18

niyielo sii yieuna enye, nintoki ayielo aitapaacha nenia tokitin naaisul too nkulie tankaraki ikintaarriyianaki too nkitanapat e Nkai.

Epeso 5:10

Enchom inyoknyok aaing'oru inia naiting'id Laitoriani.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Lpilipi 1:6

Kayielo sii katukul ajo kore Nkai natang'asua siaai lenye supat taatua ntae naa kelo kue aas aaidip ana metabau inia parri e Laitejeunoni Yeso.

1 Ltesalonike 5:21

kake entetem ntoki pooki, nintirrichakiki aaibung inia supat.

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

Mbolunoto 2:2

Epeso 5:27

netum ayaki koon nkanisa naipilipil nemeata rachata anaa ntioto anaa ntoki natuwuana inia pee eaku nkanisa sinyati nemeata kusaka.

Yoana 1:47

Nedol ꞉Yeso Nataniel elotuta, nejo kulo omon oipirita ninye, <>

Matayo 16:23

Nemerregela Yeso nejoki Petero, <>

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

Rroman 12:9

Meata nchaman nkitaakino, embai ntorrok nimbung'bung aaitirrichaki mbaa supati.

Rroman 8:7

Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

Matayo 26:33

Neitemioki ꞉Petero ajoki, <>

Lpilipi 1:16

Kore lolo naa te nchaman eas nejia amu keyielo aajo kaategelua nanu Nkai matong'oro Lomon Supati.

Epeso 6:24

Metaa munyani e Nkai tenebo o ꞉lolo pooki oaacham Laitoriani lang Yeso Kristo te nchaman nemeyagari.

Epeso 4:15

Kake kore nayiere tee iyioo naa payie kimbung ndedei te nchaman, nikibulu aanyunyukorei Kristo taa mbaa pooki, ilo laa ninye nkue e nkanisa.

Lgalatia 5:11

Lalachera, amaa, tanaa ewuon alikorita apa mbaa e muratare payie aaikenakini sipat, aanyo naa pee ewuon aaitamitae sina? Kore tanaa kalikorita ana, anata merokure era lmusalaba nkubooroto.

2 Lkorinto 8:8

Majoito taa nchere eji meata ajo miasias inia, kake kore payie alikita ntae nyuata ee lkulie naa payie atum atetema ntae asipu tanaa kedede nchaman inchi.

2 Lkorinto 6:3

Mikiyieu hoo nikintanyamal ltung'ana ta mbae naje nikias, payie meatae mbae nawochieki iyioo te siaai lang kira laisiaayiak le Nkai.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

1 Lkorinto 10:32

Entaa lemeata nakurrieki tekue Lyiaudi o Lgirriki o ltung'ana le Nkai.

1 Lkorinto 8:13

Naaku kore tanaa ntoki nanya naitanyamal lalache tanaa nkanache ai, maigil aikata anya nkiri, payie maitopong'oo hoo ltung'ani obo oiruko Nkai.

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

Rroman 7:22

Amu kang'idakino nanu taatua ltau lai nkitanapat e Nkai,

Rroman 7:16

Naa kore tanaas nenia baa namayieu duo naas, nachamaa ajo keisupati nkitanapat e Nkai.

Asat 24:16

Naaku kore nkata pooki, kanyok metaa kaning ta ltau lai ajo meata naakurrieki tekue Nkai o tekue ltung'ana.

Yoana 3:20

Amu kore pooki oasita ntorrok naa keiba wong'an, nemeipung'oki ninche wong'an, amu meyieu neibalunyieki asat enche torrok.

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.