Lpilipi 1:1 - Samburu

¹ Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lpilipi 1:1 Referans Kwoze

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

1 Timoti 3:8

Kore sii lkulie aisiaayiak le nkanisa, naa keyiere payie eaku ltung'ana oaayanyitai, nera ltung'ana ooibala rereii, namara lamerak, namara ltung'ana oanya monko.

2 Ltesalonike 1:1

Kore nanu Paulo o Silpanas o Timoti naa ikiroroki nkanisa ee Ltesalonike nawuon taatua Nkai Papa lang o Laitoriani Yeso Kristo.

1 Ltesalonike 1:1

Kore nanu Paulo o Silpanas o Timoti, naa ikiroroki nkanisa ee Ltesalonike nawuon taatua Nkai Papa o Laitoriani Yeso Kristo, metowuana munyani o sotua taatua ntae!

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Mbolunoto 1:1

Ana eitoduaa ꞉Nkai Yeso Kristo, aicho meeiteyielo laisiaayiak o nkaisiaayiak enyena inia naa meata ajo measai ta nkata nataana. Neirruaaya ꞉Kristo lmalaika lenye, aiteyielo laisiaayiani lenye oji Yoana ilo kilikuai.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

1 Petero 2:25

Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.

Tito 1:7

Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani.

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.

2 Ltesalonike 1:10

Kore kenya nenia baa naa keasai tenelotu Yeso inia parri, meichoo ꞉sinyat lenyena ninye nkisisa neicho lolo pooki ooiruko ninye nkanyit. Naa itii sii ntae inie amu iruko mbaa nikitilimutua naaipirita ninye.

1 Ltesalonike 2:2

Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng.

Epeso 1:15

Katining'o nkurukoto niatata ta Laitoriani Yeso o nchaman niatata too sinyat le Nkai pooki, naa tankaraki inia payie

1 Lkorinto 16:10

Kore tenelotu Timoti nitii, enchoo metaa kewuon taatua ntae meata ntoki naurie, amu Laitoriani sii eisiaaita ꞉ninye ana nanu.

Mbolunoto 19:10

Narriakino nkejek enyena asai, kake naajoki, <>

Asat 9:13

Nejo Anania, <

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Marko 13:34

Kore kenya inia kata naa nchi etuwuana ltung'ani olo nkae kop, neing'uaa nkang enye, neing'uaki laisiaayiak lenyena nkitoria, eoriki pooki ng'ae ramat enye, neitanap larriponi lo ltim metirripicho.

Mbolunoto 22:9

Kake naajoki lmalaika, <>

Mbolunoto 2:12

Ningeroki lmalaika le nkanisa natii Pegamum ele rerei: <

Mbolunoto 2:8

Ningeroki lmalaika le nkanisa natii Simirna ele rerei: <

Mbolunoto 1:20

Kore naa mbae naisudoro naipirita lolo akir sapa litoduaa ta nkaina ai e tetene o nenia tokitin sapa naaitibirunyieki saabu neitacheyie lkilang'ilang'eta naa ana: Kore lolo akir sapa naa lmalaikani lee naaduo anisani sapa, naa kore nenia tokitin sapa naaitibirunyieki saabu neitacheyie lkilang'ilang'eta naa nenia anisani sapa.>>

Asat 1:20

<<

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Epeso 6:24

Metaa munyani e Nkai tenebo o ꞉lolo pooki oaacham Laitoriani lang Yeso Kristo te nchaman nemeyagari.

Lpilipi 2:5

Kore mparrunoto naichiaakino niatata naa inia apa naata Laitejeunoni Yeso:

Lpilipi 2:19

Kaisilig ajo kore taatua Laitoriani Yeso, kasioki airruaki ntae Timoti, payie etum ltau lai atogolo tananing lomon linchi.

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Lpilipi 3:12

Majo taa nanu kaidipa atumo inia tanaa sii kaitabayie, kake kanyokita abaya payie atum aibung'a inia metaa nanai tankaraki kaaibung'a sii apa ꞉Kristo Yeso.

Pilemon 1:1

Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo.