Lkolosae 4:11 - Samburu

¹¹ Neiroroki sii ntae ilo Yeso oitokini ajo Yusuto. Kore taatua Lyiaudi, kulo tung'ana aapeny pukura okuni oaasita siaai tenebo o nanu tankaraki nkitoria e Nkai, netaa ninche le rereto kitok ta nanu.

Lkolosae 4:11 Referans Kwoze

Asat 11:2

Kore payie eiliep Petero alo Yerusalem, nekusakan lolo ꞉Yiaudi ooiruko Yeso

Pilemon 1:1

Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo.

Tito 1:10

Amu keatae ltung'ana kumo lemeyanyit rikore, lolo ooiro mbaa nemeata tipat nera lasapak, naleng lolo Yiaudi ooiruko Yeso.

Lkolosae 4:7

Keliki ntae Tikiko lomon lainien pooki. Kera ninye lalache lang lacham, nera laisiaayiani oisiligai neasicho tenebo o nanu taatua Laitoriani.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Rroman 4:12

Neitaae sii papa loo loomurata, lolo lamara ake kemurata, kake looibung'aa sii rriata le nkurukoto naata apa papa lang Abraam ewuon memurata.

Asat 10:45

Kore tankaraki natining'o lolo Lyiaudi ooiruko Yeso ootuo tenebo o Petero ltung'ana lamara loo Yiaudi eiro too nkulie kutukie eisis Nkai, neing'asia payie edol aajo keichooki abaki ninche Ltau Sinyati ana nkichooroto. Nejo Petero,

Pilemon 1:24

Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

1 Ltesalonike 3:7

Naa inia lalachera o nkanachera, paa kore taatua nyamali pooki o sina likitumo, naa /keitogoloki ltauja lang tankaraki ntae, kining'ito nkurukoto inchi.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

Lpilipi 4:3

Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.

Epeso 2:11

Naaku taa, entaparru netiu apa mbaa! Kore Lyiaudi oomurata muratare namurati ake sesen naasi taa nkaik ee ltung'ana, keipot ate aajo loomurata neipot ntae aajo lmomurata.

Rroman 16:3

Eroroki Pirisila o Akuila naasita siaai le Kristo Yeso tenebo o nanu.