Lkolosae 3:15 - Samburu

¹⁵ Enchoo metaa seriani e Kristo naitore atua ltauja linchi. Keipotokaki ntae inia seriani, irara le sesen obo. Entaa sii loaata nache.

Lkolosae 3:15 Referans Kwoze

Yoana 14:27

<

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

1 Ltesalonike 5:18

Kore taatua mbaa pooki, enchoo Nkai nache, amu inia eyiewuoki ninye ntae taatua Kristo Yeso.

Rroman 5:1

Naaku kore tankaraki naitaaki iyioo loosipat to nkurukoto, ikiata sotua o Nkai teinia nataasa Laitoriani lang Yeso Kristo.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

2 Lkorinto 9:11

Keitaa ntae ltung'ana oaata nalang naayieu taa mbaa pooki, payie iakuku looleng taa mbaa pooki. Kore nenia kichoorot nintaitua te leng'on, neng'amaa ltung'ana tee iyioo, naa keicho ninche meichoo Nkai nache.

Epeso 4:4

Keatae sesen obo o Ltau Sinyati obo, ana nara siligi oipotoka ntae Nkai obo.

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

1 Timoti 2:1

Kore nang'asunyie tekue, naa kaitaarriyianicho paa kore tankaraki ee ltung'ana pooki neichirakini Nkai, neomoni, neomonokini ltung'ana, neichori Nkai nache.

Lkolosae 2:7

ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

Epeso 5:1

Naaku taa, entaa ꞉ltung'ana ooduaaya Nkai, tankaraki nirara nkera enyena naacham oleng.

2 Lkorinto 4:15

Kore kuna pooki naatumuto iyioo naa keasai payie eret ntae metaa kore ebulaa munyani e Nkai, neponunye ꞉ltung'ana ooicho Nkai nache netum ninye nkisisa te inia.

Mbolunoto 7:12

nerany aajo, <>

Epeso 4:16

Laa te ninye ebulu sesen pooki te nchaman, nerubi neibung'a tenebo netum rubat pooki inia nayieu aimu mpit naaibung'uta. Nemeata rubata nemeas siaai enye ana naichooki metaasa.

Lburania 13:15

Naaku kore aimu Yeso, maitaki naa Nkai lasar le nkisisa nkata pooki, kimbalie nkarna enye too nkutukie aang.

1 Lkorinto 7:15

Kake kore teneyieu ltung'ani leitu eiruk Kristo neorore lpayian anaa ntomononi enye, neichori eorore. Meitoki naibooyo inia anache tanaa ilo alache kake keipoto ntae Nkai payie iwuenini te seriani.

Rroman 1:21

Amu kore abaki eyielo Nkai, eitu eyanyit ninye ana Nkai anaa eicho nache, kake kore enyok aaparraa mbaa, nepong'ori ninche, neitimisimisi mparrunot enche naamada.

1 Lkorinto 10:17

Amu nabo ake mukate, naaku kore abaki iyioo oaara kumo nikiaku sesen obo, amu inia mukate nabo ake king'ar pooki.

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.