14 Entoponiki kuna pooki nchaman, naa ninye naen ntoki pooki tanaboicho katukul.
Kore nalang pooki, entachamata katukul, amu kejutoo ꞉nchaman ng'ok kumo.
Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.
Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.
Ana nkitanapata ng'ejuk naichoo ntae, entachamata. Kore ana natachama nanu ntae, entachamata sii ntae.
Emincho metaa iatata sile e ltung'ani mara ake nchaman nichamama likae o likae, amu kore ltung'ani oacham likae naa eitabayie nkitanapat.
ninyoknyok aaibung naboicho e Ltau Sinyati to sotua oen ntae entaa nabo.
Naa ana nkitanapata naichoo ninye iyioo, nchere kore ilo oacham Nkai naa keyiere sii necham lalache o nkanache enye.
kore uriata e Nkai, niponikiki nchaman ee ltung'ana ooiruko Yeso, niponikiki nchaman ee ltung'ana ooiruko Yeso nchaman ee lkulie tung'ana pooki.
Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.
Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate.
ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.
Ana nkitanapata ai, nchere entachamata ana natachama nanu ntae.
Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.
Naaku naa meyiere ake naaku mbaa ekue naayiere nikiyielou naaipirita Kristo eiteng'eni iyioo, kake keyiere nikipuo kue aabaki nkiteng'ena nairirikino ltung'ana botoro. Nimikingil aitoki aachukokino nkiteng'ena ekue naipirita nikinko tinikirriidu asat naayaki iyioo lkiye o nikinko tinikiruk Nkai.
Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.
Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.