Lkolosae 3:12 - Samburu

¹² Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

Lkolosae 3:12 Referans Kwoze

Epeso 4:32

Kake entaasa ltung'ana supati niakuku loaanana ochuaa, nipalikiki lkulie ana natapalika ntae Nkai taatua Kristo.

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

1 Yoana 4:19

Ikichamicho amu ninye apa oatachama iyioo tekue.

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

2 Petero 1:10

Kore naa tankaraki ana lalachera o nkanachera, mbae e tipat abaki oleng tininyoknyok aasipaki ate nchere keipoto netegelua ntae Nkai, naa kore tiniasias kuna, nimirriaa aikata.

1 Ltesalonike 5:15

Entodol metaa, meata linchi oitalaku ntorno to ntorno, kake entonyok entaasata maate o lkulie tung'ana pooki mbaa supati nkata pooki.

2 Lkorinto 6:6

Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Matayo 24:31

Neirruaaya lmalaikani lenyena ekututa mowuarak to ltoilo kitok. Neiturrurru ꞉ninche lgelunot too lubot ong'uan e nkop, te neng'asunyie loing'ang'e o neiting'ie.

Luka 18:7

Oo sa Nkai! Meicho sipat lgelunot lenyena, ooichiraki kuarie o parkiji? Mara meimalimalie reto tee ninche?

Luka 1:78

tankaraki kenana Nkai ang ocheke. Kore tankaraki inia, keipung'oki iyioo wong'an e nkakenya nadou eing'uaa chumata,

Marko 13:27

Neirruaaya lmalaikani lenyena, naa keiturrurru lgelunot too lubot ong'uan e nkop, ang'asu te nkiting'oto e nkop metebaki nkiting'oto e chumata.

Epeso 4:24

neitoki sii aiteng'en ntae enchopo mpukunoto ng'ejuk naitibiraki metinyunyukore Nkai te sipata o te sinyaticho naing'uaa ndedei.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Epeso 1:4

Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.

Rroman 9:11

Nejoki ꞉Nkai Rebeka ewuon eitu eini nkera enyena o ewuon sii eitu eas ninche supati tanaa ntorrok nchere, <> Paa kore inia gelunoto e Nkai naaku mara inia nataasa nenia kera eirichakino kake nayieu ninye.

Marko 13:22

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

Marko 13:20

Naa kore teneitu eitodorrop ꞉Laitoriani nenia perot, meatae ltung'ani hoo obo oitejeuni. Kake kore tankaraki loogeluno lenyena, ootegelua ꞉ninye, neitodorrop ꞉ninye nenia perot.

Matayo 24:22

Naa tenemeitodorropi nenia perot, anata meata hoo ltung'ani ojeu. Kake kore tankaraki lgelunot, naa keitodorropi nenia perot.

Mbolunoto 17:14

Kerare ninche o inia ng'ues Lkuo leker, kake kemir ninche ꞉Lkuo leker. Kemir amu kera ninye Laitoriani laa laitoriak, nera Lkinkii loo lkinkii naa kore lolo ooirukurukore ninye naa lolo ooipoto netegelua ꞉Nkai, neisiligai te ninye.>>

2 Yoana 1:13

Keiroroki naa ntae nkera e nkanache ino nageluno.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

1 Lkorinto 13:4

Kore nchaman naa keng'iri, neata lng'er, nemeata lom, nemeikar, nemeilach.