Lkolosae 3:10 - Samburu

¹⁰ ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

Lkolosae 3:10 Referans Kwoze

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Lkolosae 3:14

Entoponiki kuna pooki nchaman, naa ninye naen ntoki pooki tanaboicho katukul.

1 Yoana 2:5

Kake kore ilo oibung rerei lenye, naa kedede taatua ninye etoboreyia nchaman e Nkai. Naa te inia kiyielou aajo ikitii atua ninye.

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

1 Yoana 2:3

Nikiata sipata aajo ikiyielo ninye tinikimbung nkitanapat enyena.

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Mbolunoto 21:5

Nejo ilo owuon to lorika le nkitoo, <> Naajoki aitoki nanu, <>

Epeso 2:15

aiting'ie Nkitanapat o lkerreti te sesen lenye to lmusalaba. Ketaasa ana payie etum aitai to lorere loo Lyiaudi o lkulie oreren lorere obo ng'ejuk to koon, neyau te inia oitiei sotua.

Lgalatia 6:15

Amu meitoki era tinikitumurataki tanaa teneitu, kake kore ntoki e tipat naa tinikira nkitibirunoto ng'ejuk.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

Rroman 13:12

Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an.

Lgalatia 3:27

Amu kore ntae pooki ooipatisakaki Kristo, naa inchopo Kristo.

Rroman 6:4

Kore te nkipatisare naa ketunukayieki apa iyioo tenebo o ninye, nikiye paa kore ana naitipiwuaki Kristo to ngolon e nkitoo e Papa, nikitum sii iyioo aatewueni taatua nkichon ng'ejuk.

2 Lkorinto 4:16

Naaku megila iyioo ltauja. Kore abaki emutari seseni lang le oriong, naa keiteng'ejuki nkurruki ang mparri o mparri.

Pilemon 1:6

Naomon metaa kore inia kurukoto niking'ar tenebo, neaku keasicho te yielounoto e ntoki pooki supat nikiata taatua Kristo.