Lkolosae 3:1 - Samburu

¹ Kore naa tankaraki keitipiwuaki ntae tenebo o Kristo, eng'oru naa nenia baa e keper, naatii neti Kristo, ewuenita ta nkaina e tetene e Nkai.

Lkolosae 3:1 Referans Kwoze

Rroman 8:6

Amu kore natum ilo oitore ꞉mbaa e mpukunoto torno e ltung'ani naa lkiye, kake kore natum ilo oitore ꞉mbaa e Ltau Sinyati naa nkichui o seriani.

Matayo 6:33

Naa entang'as enteyiai nkitoria enye o sotua oipida tenebo o Nkai, naa keponikini ntae nenia pooki.

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

Lkolosae 3:2

Entipik mparrunot inchi atua nenia baa natii keper, mara atua nenia natii nkop.

Matayo 6:20

Kake entipik parakuoicho inchi chumata, inie nemenyayie lasai o kutu, nemegil lapurrok aapurroo.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Luka 12:33

Entimir ntokitin niatata ninchocho laisinak ntoki nintamita. Entibiraki naa ate lbenia lememusanu o lchumati le chumata lemeng'oru, amu mebaki naa lapurroni inie, nemebaki lkurui atama aitarruoo.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Luka 22:69

Kake kore ang'asu taata, keaku kewuon Nkerai e ltung'ani ta nkaina e tetene e ngolon e Nkai.>>

Lkolosae 2:20

Amaa, mara ituata apa tenebo o Kristo aaing'uaa nkitanapat ena kop? Oo naa payie intokiki aapik ate taabori nkitanapat naajo, <>, <>, <>, eji atuwuana ewuon ake irara le nkop?

Lburania 8:1

Kore mbae e tipat ee kuna nikijeito naa ana: Ikiata laitainoni kitok la lasar otowuana te chumata te tetene e lorika le nkitoo e Nkai naaisul pooki.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Lburania 10:12

Kake nkata nabo ake eitayia Kristo koon aaku lasar loo ng'ok obik ntarasi, newuon ta nkaina e tetene e Nkai.

Matayo 26:64

Newoliki Yeso ninye ajoki, <>

Epeso 4:10

Kore ilo laa ninye otodoyie alo lodo le nkop, naa ninye ake aitoki oiliepa arepaa keper e keper pooki, payie etum ninye ataa meata nemetii.

Marko 14:62

Nejoki ꞉Yeso, <>

Lburania 1:13

Kake amaa keatae aikata lmalaika lenye otiaka ꞉Nkai, <>

Asat 2:34

Amu eitu apa eiliep Daudi alo chumata, kake netejo,

Luka 20:42

Amu ketejo Daudi koon to mbuku ee Sinkoliotin le Nkai,

Marko 16:19

Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

Marko 12:36

Ketejo abaki Daudi koon, etuutaka ꞉Ltau Sinyati, > >

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

Asat 7:55

Kake kore Sitepano, eiputa ꞉Ltau Sinyati, neimariri chumata nedol nkitoo e Nkai o Yeso eitache te tetene e Nkai.

Matayo 22:44

> >

Epeso 5:22

Natomonok entodoi ate taa lpayiani linchi ana ninkoko tinintodoyioyio ate ta Laitoriani,