Lkolosae 2:20 - Samburu

^20-21 Amaa, mara ituata apa tenebo o Kristo aaing'uaa nkitanapat ena kop? Oo naa payie intokiki aapik ate taabori nkitanapat naajo, <>, <>, <>, eji atuwuana ewuon ake irara le nkop?

Lkolosae 2:20 Referans Kwoze

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

Lkolosae 2:16

Naaku naa emincho ltung'ani Eiguanare ntae to ntoki ninyanya o nimatmat, tanaa taa ntasimi ee Lyiaudi naanyae ta lari o naanyae ta arre e lapa anaa ta mparri e Sabato.

Lgalatia 4:3

Naa nejia sii apa etiu tee iyioo, kore kira nkera naa keitaaki iyioo rrindiki lo nkitanapat ena kop.

Lkolosae 2:14

Namara ketujuto ake apeny sile ee ng'ok ang, kake keitarruoyie mpalai naigerore nkitarruorruot ang nikiata tankaraki ee mbaa kumo naayiere nikintabaya neitu kintabaya. Kore apa inia palai naa mang'antita ang, newa ꞉Nkai neche to lmusalaba.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

2 Lkorinto 10:3

Kore abaki kira iyioo ltung'ana, naa mikinyia larrabal ana neiko ltung'ana tenenya.

Yoana 15:19

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.

Epeso 2:15

aiting'ie Nkitanapat o lkerreti te sesen lenye to lmusalaba. Ketaasa ana payie etum aitai to lorere loo Lyiaudi o lkulie oreren lorere obo ng'ejuk to koon, neyau te inia oitiei sotua.

Lkolosae 3:3

Kore ta mbata ee mbaa e nkop, naa ituata apa naa kore taata, keisudoyieki nkichui inchi taatua Nkai tenebo o Kristo.