15 Netigilgila ninye ngolon o nkitoria pooki e naimin edolita pooki ng'ae, amir pooki to lkiye lenye o te mpiunoto enye.
Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.
Naa inia payie eigero too Lkigerot sinyat nchere, <>
Anaa, aji eiko ltung'ani tenejing nkaji e ltung'ani ogol aisimarie ntokitin enyena, mara ketang'asa aen ilo openy nkaji? Kore inia kata, netum inia aji enye.
Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.
Neibalakinyie sii ndung'oto e nkiguana nchere kore loitore ana kop, neidipaki aatudung'oki nkiguana torno.
Nejoki ninche, <
Kore Chitani natasapa ninche, nenang'akini lmoti le nkima oilu to ntoki naji salpa, inie apa netanang'akaki ng'ues torno o loiboni le sapare. Naa keitemei kuarie o parkiji ntarasi o ntarasi.
Amu te ninye eitibiraki ntokitin pooki, natii chumata o natii nkop, nalioo o nemelioo, pee era lolo ooitoricho anaa nkitoria anaa lkulie aitoriak anaa nkitoo. Kore ntokitin pooki, naa te ninye eitibiraki naa ninye eitibirakaki.
Kake kore tenerasaki ꞉logol alang ninye, neigolgol aworu masaa e larrabal pooki naang'idare, neor pooki naatarua.
Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.
Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.
Kore payie eichamcham ꞉Yeso inia aichuo nejo, <> Neirrig nkue enye, neichooyo nkichui enye.
Nelotu taa nkiting'oto e nkop, neidakie Kristo nkitoria pooki o nkidimata o ngolon, nerrinyoki nkitoria Nkai Papa.
Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.
Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.
nirara ntae lootumo nkichon nabore taatua ninye. Ninye lkitok oitore nkitiorian o ngolon pooki.