Lkolosae 2:13 - Samburu

¹³ Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

Lkolosae 2:13 Referans Kwoze

Epeso 2:1

Keichoo apa ntae Nkai nkichon ng'ejuk ewuon irara ntae ltung'ana ootuata iasitata ntorrok o ng'ok inchi.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

2 Lkorinto 5:19

Kore nikijoito naa nchere ketii apa ꞉Nkai atua Kristo aitemelet koon o nkop, meikenaki ltung'ana ng'ok enche, neichoo sii iyioo Lomon Supati ooyau melet.

Epeso 2:11

Naaku taa, entaparru netiu apa mbaa! Kore Lyiaudi oomurata muratare namurati ake sesen naasi taa nkaik ee ltung'ana, keipot ate aajo loomurata neipot ntae aajo lmomurata.

Luka 15:32

Kake keiririkino payie ikinya sukukuu niking'ida tankaraki kore ele alache lino naa ketua apa neitoki apiu, naa keimina apa neitokini aatum.> >>

Luka 15:24

Amu ketua apa ele ayieni lai neitoki apiu, keimina apa neitokini aatum.> Neng'asu aang'ida.

Yakobo 2:26

Kore ana natua sesen lemetii nkiyeng'et, nejia sii etiu, kore nkurukoto nemeata asat naa ketua.

Epeso 5:14

amu kore ntoki pooki naitoong ꞉wong'an neaku wong'an. Tankaraki inia payie eji, Inyuo iyie loilura, tipiu too lootuata naa ikintoong iyie Kristo.

1 Lkorinto 15:45

Amu kejo Lkigerot Sinyat, <> kake kore Adam le siedi neaku keata mpukunoto e Nkai neichooyo nkichui.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

1 Yoana 2:12

Nakera ainien, kaigerokita ntae, amu etapalikaki ntae ng'ok inchi tankaraki nkarna e Yeso.

1 Lkorinto 15:36

Lo madai ele! Amaa tiniun lantararai to nkop, kebulu echi eitu eng'as aye?

Yoana 5:21

Naa kore ana naitipiu ꞉Papa lootuata neicho nkichui, naa nejia sii eiko ꞉Nkerai teneicho nkichui lolo oyieu neicho.

Luka 9:60

Nejoki ninye, <>

Lburania 6:1

Naaku naa meyiere ake naaku mbaa ekue naayiere nikiyielou naaipirita Kristo eiteng'eni iyioo, kake keyiere nikipuo kue aabaki nkiteng'ena nairirikino ltung'ana botoro. Nimikingil aitoki aachukokino nkiteng'ena ekue naipirita nikinko tinikirriidu asat naayaki iyioo lkiye o nikinko tinikiruk Nkai.

1 Timoti 5:6

Kake kore inia nayieu newuon nkata pooki anya rraa e nkop naa ketua eichu.

Rroman 4:17

ana naigeroki too Lkigerot Sinyat aajo, <> Kore apa Abraam naa kera ninye papa lang tekue nkonyek e Nkai, inia Ai apa nairuko naa ninye naicho nkichon lootuata neitaa ntokitin nemeatae apake metaa keatae.

Yoana 6:63

Kore Ltau Sinyati naa ninye oichoru nkichui, naa kore ngolon e ltung'ani naa meitoki eidim ataasa. Kore rerei latiaka ntae, naa nkiyeng'et o nkichui.

Yakobo 2:20

Lotung'ani ele omada, iyieu nikintodoli aajo kore nkurukoto nemeata asat naa ketua?

Yakobo 2:17

Nejia sii etiu nkurukoto, kore tanaa meata asat naaku ketua.

1 Timoti 6:13

Kore tekue Nkai naichoo ntokitin pooki nkichui o tekue Kristo Yeso oitayia limunoto supat tekue Pontio Pilato, kaaitanap iyie

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.