Lkolosae 1:9 - Samburu

⁹ Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

Lkolosae 1:9 Referans Kwoze

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 1:5

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Lkolosae 4:5

Entewueni te ng'eno o ltung'ana lamara le Kristo, iasicherere nkata aaitibiraki.

1 Petero 2:15

Amu keyieu Nkai payie intigirgir ltung'ana oamada ooiro mbaa nemedede, iasias sipat.

2 Ltesalonike 1:11

Kore tankaraki inia, naa ikiomonokita ntae nkata pooki payie eikenaki ntae Nkai ang looichiaakino te inia naipotieki ntae. Nikiomon aitoki paa kore mbaa pooki supati niyieuu o siaai linchi e nkurukoto, neitabaya to ngolon enye,

1 Ltesalonike 5:17

Emipal aikata miomonmon.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Lburania 10:36

Keyiere ning'iriri payie itumtum aataas yieunoto e Nkai, nitumtum inia naitayia Nkai lekutuk ajo keicho ntae.

Lpilipi 1:4

Naa kore chiaake tanaomonoki ntae pooki, naomon te ng'ida

Pilemon 1:4

Kaicho Nkai nache nkatitin pooki tanaaparru iyie to nkomono ai,

Epeso 6:6

Namara ake nkonyek imulmul ana ake loojo payie eiting'id ltung'ana, kake entining ninche ana rrindiki le Kristo, iasias inia nayieu Nkai taa ltauja linchi pooki.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Yoana 2:17

Naa kore nkop o ng'uarrat enyena naa keich, kake kore ilo tung'ani oas nayieu Nkai naa kebik ntarasi.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Epeso 5:17

Naaku naa emiaku lmada, kake entining'u nayieu Laitoriani.

Epeso 5:10

Enchom inyoknyok aaing'oru inia naiting'id Laitoriani.

Epeso 1:8

tenebo o ng'eno nagut o yielounoto ee mbaa pooki naaichoo iyioo aiputaki!

Yoana 7:17

Kore pooki ng'ae oyieu neas yieunoto e Nkai naa keyielou tanaa Nkai eing'uaa nkiteng'ena ai, tanaa lomon lainien alimuta.

1 Lkorinto 1:5

Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

Asat 12:5

Naaku kore eena Petero te jila, neomonoki ꞉nkanisa ninye Nkai oleng.

Pilemon 1:6

Naomon metaa kore inia kurukoto niking'ar tenebo, neaku keasicho te yielounoto e ntoki pooki supat nikiata taatua Kristo.