Lburania 9:14 - Samburu

¹⁴ kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Lburania 9:14 Referans Kwoze

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

1 Petero 1:19

kake lodo le Kristo oata tipat oleng eitamaki ntae, otuwuana lodo lo lkuo leker, ocho lemeata ntioto.

1 Yoana 1:7

Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.

Lburania 9:12

Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Lburania 7:27

Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Lburania 6:1

Naaku naa meyiere ake naaku mbaa ekue naayiere nikiyielou naaipirita Kristo eiteng'eni iyioo, kake keyiere nikipuo kue aabaki nkiteng'ena nairirikino ltung'ana botoro. Nimikingil aitoki aachukokino nkiteng'ena ekue naipirita nikinko tinikirriidu asat naayaki iyioo lkiye o nikinko tinikiruk Nkai.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

1 Yoana 3:5

Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki.

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

Lburania 10:2

Tanaa apa keidim, anata etapalaki meitaini amu kore inia kata nabo ake naa keidip aitisinya lolo oopuonu tekue Nkai metaa meitoki aadol aajo ketaasa ng'oki.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Epeso 2:5

naa inia paa kore abaki ewuon kituata tankaraki ng'ok ang, neicho iyioo nkichui ng'ejuk tenebo o Kristo. Naa munyani e Nkai eitejeunyieki ntae.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Rroman 11:12

Kore tankaraki neitu eiruk ninche, netum nkop pooki mayian, neaku inia ng'orikinoto enche dupoto too ltung'ana lamara loo Lyiaudi. Kewuaa sa mayian natumi, tenechukunyie Isirael pooki aairuk Yeso!

Luka 1:74

nelaku iyioo taa nkaik ee lmang'ati lang, payie kitum aaisiaayia mikiata ngureticho

1 Petero 2:22

Eitu eas ninye ng'oki, neitu eimu nkutuk enye sapare.

1 Timoti 1:17

Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

Lgalatia 2:19

Kore apa anyokita aibung nkitanapat, naalakuni te nkitoria ee nkitanapat payie atum atibikoki Nkai. Kaatechoki tenebo o Kristo.

2 Lkorinto 6:16

Kalo ning'o eata nkaji e Nkai o nkaitok e sapare? Amu ikira iyioo nkaji e Nkai naichu. Ana netejo Nkai koon, <>

Rroman 11:24

Amu amaa tanaa ikiteng'eruaki iyie te ilo ng'erriyioi oara apake le ntim, nikirubakini ilo ng'erriyioi otuunoki leitu apake ibulunyie, kebaa sa elelek tenerubakini nenia sura lng'erriyioi laa ninye apake etubulunyie?

Rroman 1:20

Kore apake payie eitaini nkop, kore inia pukunoto enye nemelio, aa ngolon ee ntarasi o mpukunoto e aaicho enye, naa kesipuni, neyielouni too ntokitin naaitayia ninye. Naaku meata neiko ninche tenejo meyielo Nkai.

Yoana 3:34

Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.

Luka 4:18

<

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Lburania 11:21

To nkurukoto etamayiana ꞉Yakobo layiok le Yosep, eirrigo atukuny sobua enye asai Nkai etaa keye.

Lburania 9:9

Kore kuna pooki naa nkitanyanyukot naautu tana ng'amata aajo kore nkichoorot o lasarri naa meidim aaitibira ltung'ani oasai Nkai metining'o ajo meata nakurrieki.

Asat 14:15

<

Asat 10:38

Kore ana likoroto nitining'o naa keipirita Yeso le Nasaret, neikuna Nkai payie egelu ninye to ngolon e Ltau Sinyati. Ketamanayie apa ninye aas mbaa supati, neichiunyie lolo pooki ooitoria ꞉Chitani, amu ketii Nkai tenebo o ninye.

Lburania 9:7

kake laitainoni kitok la lasar ake apeny ojing nkata nabo ta lari atua ilo gilata le oare oji Ng'oji Sinyati aisul pooki. Nemejing meata lodo oibukoo aomonu mpalikinoto ee ng'ok enyena o naataasa ltung'ana eitu ebaraki.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

1 Ltesalonike 1:9

Amu kore lolo tung'ana, naa keimakita ninkuna payie ing'amaa iyioo o ninkuna tinimbelekenyakinono Nkai, ning'uaa nkaitok e sapare, payie itumtum aaisiaayia inia Ai naichu nedede,

Asat 1:2

ana metabau inia parri nailiepieki apa ninye aaya chumata, eidipa aitanapa Lkipaareta lenyena ta Ltau Sinyati.

Luka 12:28

Oi siake ntae oaata nkurukoto kini! Amaa, tanaa keichop ꞉Nkai nkujit naabulu anapar ta ang'ata neikenyu teisiere nenang'akini atua nkima, kebaa sa eitulusoo aichop ntae!

Luka 12:24

Eng'ura lkurruki: meunicho ninche, nemedung'ucho, nemeata sutooni anaa lkompeii, kake keitoti ake ꞉Nkai ninche. Kebaa sa irara ntae le tipat aalang nkueeny!

Matayo 12:28

Kake tanaa kaaraa nanu lairiruani ta Ltau le Nkai, naaku eidipa nkitoria e Nkai ayeu nitii ntae.

Matayo 7:11

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi oti chumata aichoo lolo oomon ninye?

Rroman 1:4

kake kore ta Ltau lenye le sinyaticho, neitodoluni to ngolon aajo kera Nkerai e Nkai payie eitipiuni taatua lootuata. Kore lolo omon naa Yeso Kristo Laitoriani lang eipirita.

Matayo 16:16

Newoliki ꞉Simon Petero ajoki, <>

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

1 Lkorinto 15:45

Amu kejo Lkigerot Sinyat, <> kake kore Adam le siedi neaku keata mpukunoto e Nkai neichooyo nkichui.

Lburania 3:12

Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu.

Lburania 7:16

Naa ketaa Yeso laitainoni la lasar namara ana nayieu nkitanapat, kake ketaa to ngolon e nkichui nemeata nkiting'oto.

Lburania 9:26

Amu tanaa ketaasa apa inia, anata naa eye nkatitin kumo, ang'asu apake payie eitibir Nkai nkop. Kake keyewuo ninye nkata nabo ake taata kitii ng'amata e nkiting'oto e nkop, neicharu koon aaku lasar oichu ng'ok te lkiye lenye.

Lburania 10:10

Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

Lburania 10:12

Kake nkata nabo ake eitayia Kristo koon aaku lasar loo ng'ok obik ntarasi, newuon ta nkaina e tetene e Nkai.

Lburania 13:12

Naaku kore sii Yeso ketama abaki ninye ꞉sina taulo e lkerenket payie eitisiny ltung'ana ꞉lodo lenye.