Lburania 9:12 - Samburu

¹² Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

Lburania 9:12 Referans Kwoze

Lburania 10:4

amu meidim lodo laa laing'ok o laa ntare aaitai ng'ok.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Lburania 10:19

Naaku lalachera o nkanachera, ikindim aatijing inie Ng'oji sinyati naaisul pooki mikiata ngureticho tankaraki naibukoyie Yeso lodo lenye.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Lburania 7:27

Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

Lburania 9:13

Amu amaa tanaa keisuaaki laitainok la lasar ltung'ana oaataasa ng'ok lodo loo lkineji o laa laing'ok, neisuaaki nkuron e lasar le ntawuo natepejoki, neitisiny metaa merokure etolo,

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

1 Ltesalonike 1:10

niwuenini aanyu Nkerai enye naing'uaa chumata, ilo oitipiwua ꞉ninye too lootuata, Yeso olaku iyioo te inia goro nalotu e Nkai.

Lkolosae 1:14

laa kore aimu ninye, nelak Papa inia nairirikino alakunyie iyioo, naa kore inia lakunoto nikiata naa mpalakino ee ng'ok.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Marko 3:29

Kake kore ꞉ltung'ani odek Ltau Sinyati, naa mepalikini ninye aikata, amu etaasa ninye ng'oki nabik ntarasi.>>

Mbolunoto 5:9

Nerany sinkolio ng'ejuk ejo, <

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lburania 9:7

kake laitainoni kitok la lasar ake apeny ojing nkata nabo ta lari atua ilo gilata le oare oji Ng'oji Sinyati aisul pooki. Nemejing meata lodo oibukoo aomonu mpalikinoto ee ng'ok enyena o naataasa ltung'ana eitu ebaraki.

Luka 1:68

<

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Lburania 9:19

Amu kore apa payie eidip ꞉Musa atiliki ltung'ana pooki nkitanapat e Nkai, nerrapu lodo laa lachau o lo lkine oituchulakino nkare, neisuaaki mbuku ee nkitanapat e Nkai o ltung'ana pooki too lpapit le nker oonyokuo o tee mbene e lcheni oji aisop

Lburania 13:12

Naaku kore sii Yeso ketama abaki ninye ꞉sina taulo e lkerenket payie eitisiny ltung'ana ꞉lodo lenye.