Lburania 9:10 - Samburu

¹⁰ Kore nenia tokitin, neipirita ake ndaki naanyae o ntokitin naaichiaakino nemati o nkulie tasimi naanyae aaitibirichiere, naa keti ake ana metabau nkata naiteng'ejuk Nkai ntokitin.

Lburania 9:10 Referans Kwoze

Lkolosae 2:16

Naaku naa emincho ltung'ani Eiguanare ntae to ntoki ninyanya o nimatmat, tanaa taa ntasimi ee Lyiaudi naanyae ta lari o naanyae ta arre e lapa anaa ta mparri e Sabato.

Epeso 2:15

aiting'ie Nkitanapat o lkerreti te sesen lenye to lmusalaba. Ketaasa ana payie etum aitai to lorere loo Lyiaudi o lkulie oreren lorere obo ng'ejuk to koon, neyau te inia oitiei sotua.

Lburania 7:16

Naa ketaa Yeso laitainoni la lasar namara ana nayieu nkitanapat, kake ketaa to ngolon e nkichui nemeata nkiting'oto.

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

Lburania 9:1

Kore apa lning'o lekue naa keata nkitanapat naaitodolu neikoni tenesaii Nkai o ne ng'oji neomonieki Nkai to nkop.

Lburania 2:5

Mara apa lmalaikani eichoo ꞉Nkai meitoria nkop nalotu, naa ninye taa kiimakita,

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Lburania 6:2

Nimikintoki sii aachukokino nkiteng'ena ekue naipirita nkipatisa o nkitelekinoto ee nkaik o mpiunoto ee lootuata o nkiguana ee ntarasi.

Epeso 1:10

Kore payie ebau nkata naitabaya inia kipirte naata payie eitejeu Ltung'ana, neyau ntoki pooki metaa tenebo taabori nkitoria e Kristo, pee era naatii chumata tanaa naatii nkop.

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

Marko 7:4

Naa kore ake ninche pee epuonu eing'uaa nemirichiereki, nemenya ndaa mara keitukote. Neatae sii lkulie kerreti kumo ootujung'oitie aaibung, atuwuana nkutukoto ee lkukompeni o noo motio e nkare o nee mpirikani e surutiai.

Lburania 7:12

Amu teneibelekenyi neiko laitainoni la lasar teneitai lasar, keyiere sii neibelekenyi nkitanapat.