Lburania 8:9 - Samburu

⁹ Nemetuwuana ilo ning'o ana ilo apa laitibira o lmakui lenche, inia kata apa payie aibung ninche ta nkaina ai narik aitung'aa Misiri. Neitu apa eaku loosiligai te ilo ning'o lai, naiwuatuwuata taa nanu aing'uaa ninche.

Lburania 8:9 Referans Kwoze

Lgalatia 4:24

Kore kuna baa naa maaji e nkitanyanyukoto. Kore kuna tomonok, naa noo lning'on oare. Kore nabo naa Agar, naitunyinyukoreki ldonyuo le Sinai, naa ninye naiu nkera e rrindikicho.

Marko 8:23

Neibung ꞉Yeso ilo tung'ani modooni nkaina, neipung'ie arik aitalam nenia ang'ite. Nenataki nkamlak nkonyek enyena, neiteleki nkaik, neipar ajoki, <>

Asat 13:11

Kore taata naa ikioch iyie Laitoriani ta nkaina enye, nimodoku, nimintoki adol ndama te nkiti kata.>> Kore ake inia kata neirupurupu nkonyek enyena, nemodoku, nemanaa ayiaya ltung'ani oibung nkaina arik.

Asat 9:8

Neinyuototo Saulo to nkop, kake kore payie ebol nkonyek enyena, naaku merokure edolicho. Neibung ꞉ninche ninye nkaina, nerik Damasikas.

Asat 7:36

Neipung'unyie ninche aitai te Misiri, neas mbaa kutuaa e nking'asia o mbaa naitodolu nkitoo e Nkai te nkop e Misiri, neitoki aas tankalo mpaso naji Mpaso Nanyieke, neitoki aas nkulie baa kumo taa larin artam te lkees.