Lburania 7:6 - Samburu

⁶ Kake kore Melkisedek naa mera apa ninye le ntalipa e Lawi, netang'amayie ake eyia motua e tomon naichoo ꞉Abraam, nemayian ꞉ninye Abraam oata lekutuk le Nkai.

Lburania 7:6 Referans Kwoze

Rroman 4:13

Kore apa lekutuk oichoo ꞉Nkai Abraam o ichoi enye nchere keicho ninye nkop metaa nenye, naa eitu etum tankaraki naibung'a nkitanapat, kake ketumo tankaraki naikenaki aajo loosipat to nkurukoto enye.

Lburania 11:17

To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar,

Lburania 7:1

Kore ilo Melkisedek, naa lkinkii lo lkerenket le Salem nera laitainoni la lasar le Nkai naisul pooki. Kore apa payie echukunyie Abraam eing'uaa larrabal otumutie lkinkii, nenang'are ꞉Melkisedek nemayian.

Lgalatia 3:16

Kore Abraam o inoti lenye, naa keitaka ꞉Nkai lekutuk, amu mejo Lkigerot, <> autu ajo ltung'ana kumo, kake kejo, <> autu ajo ltung'ani obo, aa ninye Kristo.

Rroman 9:4

ltung'ana loo Isirael. Kore apa ninche naa ketegelua ꞉Nkai metaa ltung'ana lenyena. Neichoo metoduaa nkitoo enye, neitai lning'o o ninche, neicho sii ninche nkitanapat enyena. Neibalakinyie neikoni tenesaii, neitoki aicho lekutukie lenyena.

Asat 3:25

Kore ntae naa irara lootum nana naatejo Nkai aimunyie loibonok lenyena o ne lning'o oitaka ninye loo papa linchi. Amu ketiaka apa ꞉Nkai Abraam,

Lburania 11:13

Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Lburania 7:7

Kore metii kerkei, ltung'ani kitok oamayian lkini.