Lburania 7:18 - Samburu

¹⁸ Kore tana naa keitaaki apa inia kitanapata musana meitoki, amu meitoki eidim, nemeata tipat.

Lburania 7:18 Referans Kwoze

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Lburania 7:19

Nemeitoki eitaa ꞉nkitanapat metaa meata ntioto, kake keichooki taata iyioo siligi oikach laa ninye kinyikakinyie Nkai.

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

1 Timoti 4:8

Amu kore tenelo ltung'ani alak nkejek naa keata inia nkini tipat te sesen lenye, kake kore uriata e Nkai naa keata tipat taa mbaa pooki. Amu keata lekutuk le nkichon e taata o ne kenya,

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Lgalatia 3:17

Kore najoito naa ana, keitayia apake Nkai lning'o. Nemeidim nkitanapat naaotuo tesiedi larin ip ong'uan o osom aaibelekenya ilo ning'o, aitaa lekutuk le pecheu.

Lgalatia 4:21

Entilikaaki, ntae ooyieu newueni taabori nkitoria ee nkitanapat e Musa, amaa, mining'ning nejo Nkitanapat?

Lgalatia 3:15

Lalachera lainien, kaicho ntae nkitanyanyukoto ee ltung'ana. Kore nkitujung'o naidipaki aimie, naa meatae hooyia ltung'ani oidim aibelekenya tanaa atoponu.

Rroman 3:31

Naa amaa, ikintaa nkitanapat meitoki tankaraki ana kurukoto? Mikintaa hooyia! Kake ikimbung Nkitanapat.

Lgalatia 3:21

Amaa, keibooyo ꞉nkitanapat lekutukie le Nkai? Meibooyo katukul! Amu tanaa keichoruaki apa nkitanapat naaidim aaichoru nkichui, anata duo eikenakaki ltung'ana sipat tankaraki naibung'a nkitanapat.