Lburania 6:10 - Samburu

¹⁰ Kore Nkai naa keisiligai, merikino nitaasa o nchaman nintoduaita ninye, payie iretret ltung'ana lenyena sinyat, newuon ake ipuoitoto kue aaret ninche.

Lburania 6:10 Referans Kwoze

Matayo 10:42

Naa kore pooki ng'ae oicho lobo loo kulo oodoli etuwuana meitoki nkare nairobi tankaraki nara ake loiteng'eni lai, kedede kajoki ntae, meimin hoo laata enye.>>

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

Lgalatia 6:10

Naaku kore ewuon kiata nkata, mataasaki ltung'ana pooki mbaa supati, nelusoo lolo likira nabo to nkurukoto.

Asat 10:4

Nekurraki lmalaika nkonyek to ngureticho nejoki, <> Nejoki, <

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

1 Timoti 6:18

Ntanapa ninche metaasa supati, neparakuonu taa asat supati, neaku looleng neng'arichere lkulie.

Marko 9:41

Naa kore pooki ng'ae oicho ntae lkupuri obo le nkare tankaraki nirara le Kristo, kedede kajoki ntae, meimin hoo laata enye.

Rroman 12:13

Entang'ar ntoki niatata o lolo sinyat lemeitoki eata, niakuku looitoomon lomon taa nkajijik inchi,

Asat 11:29

Nechamaa looiteng'eni aajo kerewaki lalachera o nkanachera enche naatii Yudea reto, nemeata tee ninche lemeitai te nkidimata enye.

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Asat 10:31

nejo,

Yoana 13:20

Kajoki ntae sipata nadede, kore pooki ng'ae ong'amaa ilo lairruaya, naa nanu etang'amayie, naa kore ilo laang'amaa nanu naa ilo laairriwua etang'amayie.>>

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

2 Lkorinto 9:1

Kore taata meata tipat payie aigeroki ntae aliki mbaa naipirita ana reto naitakini sinyat le Nkai otii Yerusalem, amu indipa apa aateyielo.

1 Yoana 1:9

Kore tinikimbalie ng'ok ang, naaku kepaliki ninye iyioo, neitoki aitukoo iyioo ntorroni pooki, amu keisiligai ninye nera lopeny sipat.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Lburania 10:32

Entaparru apa payie ing'amumu wong'an e Nkai, ninkuna payie ing'iriri sina ogol.

Matayo 20:7

Newoliki aajoki, Nejoki ninche,

Matayo 25:17

Kore sii lotumo oare neasichere, neponikino nkulie oare.