Lburania 5:13 - Samburu

¹³ Naa kore pooki laa kule e lkina ake eichiwue naa ewuon era nkerai kini, nemeyielo atooro ntoki nadede o nemedede.

Lburania 5:13 Referans Kwoze

1 Petero 2:2

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

2 Timoti 3:16

Kore lkigerot pooki sinyat naa keigeroki to utaroto e Nkai, neata tipat payie eiteng'enichiereki, neitaarriyianichieriki, nerretenichiereki, neitubulunyieki ltung'ani meteyielo sipat,

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

1 Lkorinto 3:1

Kore sii apa nanu lalachera o nkanachera ainien, mairorie ntae ana ltung'ana ooirukurukore Ltau le Nkai, kake kairorie ntae ana ltung'ana ooirukurukore mpukunoto enche torno, nairorie ana nkera kunini neitu ebulu taatua Kristo.

2 Lkorinto 3:9

Amaa tanaa keikitok nkitoo naata apa inia kisiaayiere nayau nkiguana torno, kebaa sa nkitoo e inia kisiaayiere ng'ejuk naitaa iyioo loosipat tekue Nkai!

1 Lkorinto 13:11

Kore apa ara nkerai nairo ana nkerai, naparricho ana nkerai, nadol mbaa ana nkerai, kake kore taata ataa ltung'ani kitok, maitoki aas ntokitin e keraicho.

Marko 10:15

Kedede kajoki ntae, kore lemeng'amaa nkitoria e Nkai tana nkerai kini, naa mejing katukul.>>

Matayo 11:25

Kore te inia kata nejo Yeso, <

Rroman 2:20

nira loutaa lolo lemeitoki eyielo, nira laiteng'enani loo lolo oaamae, niata ng'eno o ndedei taatua nkitanapat e Nkai.

2 Yoana 1:11

Amu kore loiroroki ninye naa kechulare tee nenia torrok enyena.