Lburania 2:17 - Samburu

¹⁷ Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.

Lburania 2:17 Referans Kwoze

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

Lburania 2:14

Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Lburania 2:11

Kore Yeso o lolo ooitaa ꞉ninye sinyat, naa ilo Papa obo eing'uaa, tankaraki inia payie medol Yeso anyit teneipot ninche ajo lalachera o nkanachera enyena

Lburania 3:5

Naaku kesipa keisiligai apa Musa too ltung'ana pooki le Nkai ana laisiaayiani, neaku siaai lenye nkitodolunoto ee mbaa naalimuni kenya.

Lkolosae 1:21

Kore abaki ntae oaara apa ltung'ana oaalamita Nkai nirara lmang'ati lenyena tankaraki ltauja linchi ana naitodolu asat nchi torrok,

Lburania 7:28

Kore nayieuni tee nkitanapat e Musa, naa kegeluni ltung'ana metaa laitainok la lasar abaki era ake ltung'ana oaachal, kake kore lekutuk oichorua Nkai tesiedi nkitanapat e Musa, naa ketegelua ꞉ninye Nkerai enye metaa laitainoni la lasar loosipat ntarasi.

Epeso 2:16

Neitutumoki lorere loo Lyiaudi o lkulie oreren Nkai te sesen ake obo to lmusalaba, neichu katukul mang'antiticho te inie.

Rroman 15:17

Naaku kailach taatua Kristo Yeso tankaraki inia kisiaayiare ai te Nkai.

Lburania 3:2

Keisiligai apa ninye ta Nkai nategelua, ana apake naisiligai Musa too ltung'ana pooki le Nkai.

Lburania 2:16

Nedede taa ajo mara lmalaikani eyewuo aret kake ichoi e Abraam.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 4:15

Amu mara laitainoni kitok la lasar lemeiseyie ꞉nchalan ang ikiata iyioo, kake ikiata ilo otetemaki too nkoitieii pooki ana natemitae iyioo, kake neitu eas ng'oki.

Lburania 5:1

Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 5:2

Keidim ninye ateretu to mborron lolo lemeitoki eyielo netopong'ori, amu kore abaki ninye koon, naa keata ake nchalan naijo inia.

Lburania 5:5

Nejia sii etiu Kristo, eitu eitaa koon laitainoni kitok la lasar, kake Nkai natiaka, <>

Lburania 5:10

neitaa ꞉Nkai ninye laitainoni kitok la lasar ana neikununo apa Melkisedek.

Lburania 6:20

inie netijing'a apa Yeso oituruko tekue iyioo ta mpaach ang. Ketaa ninye laitainoni kitok la lasar ntarasi ana neikununo apa Melkisedek.

Lburania 8:1

Kore mbae e tipat ee kuna nikijeito naa ana: Ikiata laitainoni kitok la lasar otowuana te chumata te tetene e lorika le nkitoo e Nkai naaisul pooki.

Lburania 8:3

Amu kore laitainoni kitok pooki la lasar naa ketegeluaki payie eichooyo nkichoorot o lasarri, naaku keyiere sii paa kore Kristo neata ntoki naichooyo.

Lburania 9:11

Kake keidipa Kristo ayeu ana laitainoni la lasar loo ntokitin supati naaotuo. Netijing'a ninye nkaji e Nkai alo atua Ng'oji sinyati naaisul pooki. Kore inia aji naisiaaichere ninye, naa keisupat oleng neitu eitibir nkaik ee ltung'ana, amu mera nkaji ena kop.

Lburania 10:21

nikiata laitainoni kitok la lasar supat oitacheki ltung'ana le Nkai.