Lburania 13:12 - Samburu

¹² Naaku kore sii Yeso ketama abaki ninye ꞉sina taulo e lkerenket payie eitisiny ltung'ana ꞉lodo lenye.

Lburania 13:12 Referans Kwoze

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Asat 7:58

Neipung'unyie taatua ilo kerenket, neng'asu aanang too soito aar metua. Kore lolo tung'ana oata mbae nadung'okinyieki ninye nkiguana, neiteper nankan enche tankalo nkejek e ltung'ani obo lelerie oji Saulo.

Epeso 5:26

payie etum aitisinya, eituk ta nkare o te rerei le Nkai,

Lburania 10:29

Entaparrai naa ja newua wochoto naichiaakino ltung'ani lemeyanyit Nkerai e Nkai, newa ilo odo lo lning'o oitisinya ninye metaa ntoki namara sinyati, netediaa Ltau Sinyati oicho iyioo munyani e Nkai.

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Lburania 2:11

Kore Yeso o lolo ooitaa ꞉ninye sinyat, naa ilo Papa obo eing'uaa, tankaraki inia payie medol Yeso anyit teneipot ninche ajo lalachera o nkanachera enyena

Yoana 19:34

Neipok ꞉sikarii obo Yeso ntoop te mpere, nepuku nabokata lodo o nkare.

Luka 4:29

Neinyuototo ninche nemiraa te lkerenket, neya nkeper e lmaawue le ilo owua otechetieki lkerenket lenche, payie etum aatuumai.

Lburania 10:10

Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

Mbolunoto 14:20

Nepurdi lolo musabibuni ta aulo e lkerenket, neruko lodo to ng'oji neironyieki lmusabibu aaku sere nagut nabaki sosiom le mbarta, nenang'ari matejo kilomitani 300.