Biblia Todo Logo
Bib sou entènèt

- Piblisite -




Lburania 12:16 - Samburu

16 Emincho sii etumi ltung'ani oboitiere likae tung'ani te sesen mara nkitok enye anaa lpayian lenye ake, niminchocho etumi ltung'ani oparraa ake mbaa e nkop ana lkikau le Isaka oji Esao oitama apa njung'ore enye ndaa ewuon eichu menye.

Gade chapit la Kopi




Lburania 12:16
20 Referans Kwoze  

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.


Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.


eminya ndaa naitakaki nkaitok e sapare, nimimatmat lodo, niminyanya nkiri ee suom o nee ng'uesi naatogoroki, nimiboitarere likae tung'ani te sesen mara ake ntomononi ino anaa lpayian lino. Tinintapaacherere ate kuna baa naa iasitata nairirikino. Lesere naa.


Amu atua ltauja loo ltung'ana eing'uaa mparrunot torrok o loloito ee ltung'ana leitu eyema o mpurrore o arichoi e lkiye


Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>


Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.


Enteyielo katukul nchere, meatae hoo ltung'ani ololoito anaa loas nkulie boita e sesen torrok tanaa loas mbaa e anyit tanaa ltung'ani olibo, otum mpaach te nkitoria nara ne Kristo nera ne Nkai. Kore ltung'ani olibo, naa laisiaayiani laa nkaitok e sapare.


Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.


Mikias mboita e sesen nemeichiaakino ana apa nataasa lbata lenche nemuta 23,000 ta mparri nabo.


kake payie kingeroki ninche metung'ai mbaa torrok ee nkaitok e sapare, nemeboitare likae tung'ani te sesen mara ake ntomononi enye anaa lpayian lenye, nemenya nkiri ee suom o ng'uesi naatogoroki, nememat lodo.


Kore loloito o asat pooki e anyit o lubo naa meyiere nening'i taatua ntae, ana nairirikino netiu sinyat.


Nikiyielo nchere, eitu eitaini Nkitanapat tankaraki loosipat kake tankaraki laitarruok o lolo lemening'icho. Neitayiaki sii tankaraki lolo lemeurie Nkai o laasak loo ng'ok, o tankaraki aitoki lolo lemeitaa Nkai toki o lolo oaacham mbaa e nkop, o tankaraki lolo oaar ntoiwuo enche near sii lkulie tung'ana.


Swiv nou:

Piblisite


Piblisite